नेवाःख्यः

यल –  लोक साहित्य परिषद्या ग्वसालय् जूगु छगू ज्याझ्वःया दथुइ जुजु रणजित मल्लं च्वयातःगु नाटक ‘पृथुप्याख्यान’या अभिलेख सम्पादन यानाः पिथनेगु ज्या जूगु दु । डा. ज्योति तुलाधरं विमोचन यानादीगु उगु अभिलेख सफूया सम्पादन सुनिता राजभण्डारीं यानादीगु खःसा प्रतिक डंगोलं पिथनादीगु खः । वाङ्मय शताब्दी पुरुष सत्यमोहन जोशीया छेँय् जूगु ज्याझ्वलय् उगु सफू पिथनेगु नापं नांजाःम्ह कोशकार पन्नाप्रसाद […]

येँ – अमेरिकाय् हृदयाघात जुयाः अस्पताल भर्ना जुयादीम्ह साहित्यकार नवीन चित्रकारया स्वास्थ्य सुधार जुया वःगु खँ वय्कःया छेँजःपिंसं कनादीगु दु । मिनेसोट्टाया अस्पतालय् वासः याकातःम्ह वय्कः आः न्यासि वने फुगु खँ नं धाःगु दु । अमेरिकाया थीथी साहित्यकारपिंसं वय्कःयात अस्पतालय् नापलानाः भिंउसाँय्या कामना याःगु दु ।

येँ – क्यानेडियन नेवाः गुथिपाखें टोरन्टो विश्वविद्यालयय् समय्बजि ज्याझ्वःया ग्वसाः ग्वःगु दु । ज्याझ्वलय् समय्बजिया विशेषता बारे जानकारी बीगुया नापं समय्बजि ज्वरे यायेगु तरिकाया प्रदर्शन याःगु खः । टोरन्टो विश्वविद्यालयया कुलिनारिया रिसर्च सेन्टर व रोबर्ट हो फेमिलि फाउन्डेसनया सहकार्यय् ‘समय्बजि’या म्हसीका, पाक विधिया प्रदर्शन नापं भ्वय् ज्याझ्वः याःगु खः । धिमे बाजं थानाः पाहांपिंत लसकुस यासें शुरु जूगु […]

यल – यँयाः पुन्हिया लसताय् पिम्बहाः, यलय् कलाकार विराट श्रेष्ठया याकः ग्वसालय् वय्कलं च्वयातःगु नेपालभाषा, नेपाःया राजनीति, अन्तर्राष्ट्रिय ख्यःया व्यक्तित्व नापं नेवाः संस्कारया याकः किपा ब्वयेगु ज्या क्वचाल । निन्हु पद्मरत्न तुलाधरया वृत्तचित्र व निन्हु कथहं ‘न्हिसुतु’ व ‘पटाचारा’ संकिपा क्यनेगु व निन्हु जूगु उगु किपा ब्वज्या अप्वः स्वकुमितय्सं ययेकूगु खनेदु । थनिं झिंन्यादँ न्ह्यःनिसें इलय्ब्यलय् थम्हं […]

यल – यलया ऐतिहासिक मयुरवर्ण महाविहार (भिन्छेबहाः) या धर्मागार दिगि पुनर्निर्माण लिपा आइतवाः उलेज्या जुल । भारतीय राजदूत मञ्जिप सिंह पुरीं दिगिया उलेज्या यानादीगु खः । थुगु दिगि ‘ललितपुर विकासको लागि समाज’या संयोजनय् भारतीय सरकारया आर्थिक ग्वाहालि व यल महानगरपालिकाया प्राविधिक ग्वाहालिं दयेकूगु खः । मयुरवर्ण महाविहारया आजु धर्मवज्र वज्राचार्यया सभापतित्वय् जूगु ज्याझ्वलय् लसकुस यानादिसें समाजया नायः व […]

येँ –  जापानय् च्वनाच्वंपिं नेवाःतय् संस्था नेवाः खलःया ग्वसालय् नेवाः संस्कृतिया ब्वज्या जूगु दु । खलःया ग्वसालय् नेवाः कला, संस्कृति, रहन सहनया प्रवद्र्धन यायेगु नापं जापानी संस्कृतिलिसे एकाकार यायेगु उद्देश्यं उगु सांस्कृतिक ब्वज्या याःगु खः । नेवाः खलः जापानया नायः प्रकाशलाल श्रेष्ठं बियादीगु जानकारी कथं वंगु मंगलवाः जूगु ब्वज्याय् नेवाः लोक प्याखं, नेवाः वसः, नेवाः सांगीतिक व […]