सगरमाथां बुद्धया प्रचार

येँ – गौतम बुद्ध नेपालय् बूगु खः धइगु खँ प्रचार यायेगु ताः तयाः निम्ह मिसापिंसं सगरमाथा गइगु जूगु दु । दोलखा २७ दँ दुम्ह छोकी शेर्पा व काभ्रेया २७ दँया शर्मिला तामाङं सगरमाथा गयेगु तयारी याःगु खः । उमिसं सगरमाथाया च्वकाय् च्वनाः ‘बुद्ध वाज बर्न इन नेपाल’ च्वयातःगु ब्यानर ब्वयेगु लिसें गायक धिरज राईं हालातःगु ‘बुद्ध वाज बर्न इन नेपाल’ बोलया म्येँ १ मिनेट तक हायेकाः विश्वयात न्यंकेगु ताः तःगु दु ।
छोकी शेर्पा वैदेशिक रोजगारीया झ्वलय् दक्षिण कोरिया वनाबलय् अनया पाठ्यसफुली हे बुद्ध भारतय् बूगु धकाः च्वयातःगु व उकिं यानाः मनूतय्त बुद्ध नेपालय् बूगु खः धकाः तःक्वःमछि धयां तक नं पत्याः मयाःगु खँ कँसें उकिं नं विश्वयात थ्व जानकारी बीत थःपिंसं सगरमाथा गयेत्यनागु खँ कनादिल ।

सम्बन्धित बुखँ

LEAVE YOUR COMMENTS