स्वयेबहपिं कासामि

जोर्डन हेन्डरसन, मिडफिल्डर, इंग्ल्यान्ड

जोर्डन हेन्डसन च्यादँ दुबलय् प्रिमियर लिग क्लब सन्डरल्यान्ड वनाः फुटबलया ट्रेनिङ सुरु याःगु खः । सन् २००८ निसें हेन्डरसन सन्टरल्यान्डपाखें फुटबल म्हितलसा लिपा वं सन्डरल्यान्ड क्लबं मेगु इंग्लिस क्लब लिभरपुल वंगु खः । हेन्डरसन आः लिभरपुलया कप्तान खः ।

इंग्ल्यान्डया लागि यु १९ व यु २१ म्हितूम्ह हेन्डरसन यु २६ टिम म्हितूबलय् कप्तान नं जुल । सिनियर टिमय् फ्रान्स विरुद्ध डेब्यु याःम्ह हेन्डरसन इंग्ल्यान्डया निंतिं ४० गू सिबें अप्वः कासा म्हितेधुंकल ।

इंग्ल्यान्ड पाखें हेन्डरसनं युरो २०१२ व युरो २०१६ म्हितेधुंकूगु सा २८ दँ दुम्ह हेन्डरसनया थ्व निक्वःगु विश्वकप खः । हेन्डरसनयात एथलेटिक व मेहनत याइम्ह मिडफिल्डर कथं कयातःगु दु ।

सम्बन्धित बुखँ

LEAVE YOUR COMMENTS