आः टिप्पर बहनी जक

येँ  – स्वनिगलय् टिप्परं ठक्कर नकाः मनू सीगु घटना अप्वयेवं आः न्हिनय् टिप्पर चले यायेत प्रतिबन्ध तःगु दु । गृह मन्त्रालयं येँ, यल व ख्वप जिल्ला प्रशासन कार्यालय व ट्राफिकयात निर्देशन बिसें बहनी ८ बजे लिपा जक टिप्पर चले याये दइगु व्यवस्था यायेत धाःगु खः । गृह मन्त्रालयं धाःकथं वइगु साउन १ गते निसें येँ, यल व ख्वपय् न्हिनय् टिप्पर चले याये दइ मखु ।

अथेहे सुथय् गुलि बजे तक चले याके बीगु धयागु बारे नं सहलह जुयाच्वंगु खँ धाःगु दु । सुथय् ७ बजे तक चले याके बीगु लाकि ५ बजे हे दिके बीगु धयागु खँय् सहलह जुयाच्वंगु खः । 

टिप्परं ठक्कर नकाः मनू सीगु अप्वयेवं ट्राफिक प्रहरीं हे बहनी जक टिप्पर चले याके बीमाःगु खँ धया वयाच्वंगु खः । महानगरीय ट्राफिक महाशाखाया तथ्यांक कथं वंगु असार महिनाय् स्वनिगलय् १०८ गू दुर्घटना जूगुली पीगू ला टिप्पर दुर्घटना जूगु खः ।

सम्बन्धित बुखँ

LEAVE YOUR COMMENTS