निक्वःगु ज्ञानमाला बौद्ध जागरण अभियान

यल –  नेपाल राष्ट्रिय ज्ञानमाला समिति ललितपुर क्षेत्रीय उपसमितिया ग्वासलय् निक्वःगु ज्ञानमाला बौद्ध जागरण अभियान ज्याझ्वः जुल । यम्पि महाविहार ज्ञानमाला भजन खलःया व्यवस्थापनय् जूगु ज्याझ्वः महाविहारया भजन खलःया नायः शान्तमान शाक्यया सभापतित्वय् जूगु खः ।

भजन शिरोमणि किरण शाक्य मूपाहांकथं झायादीगु ज्याझ्वलय् हिरण्य शाक्यं लसुकस यानादीगु खः । ज्याझ्वलय् आमन्त्रित भजन संघ नबहाःपाखें ज्ञानमाला भजन न्ह्यब्वःगु खः । ज्याझ्वलय् श्रद्धेय भिक्षु भद्दिय महास्थविरं ‘सत्यया शरणय् झी वने वा’ धइगु ज्ञानमाला म्येँया ब्याख्या याना बिज्याःगु खः ।

राष्ट्रिय ज्ञानमाला समितिपाखें लय्पतिकं न्ह्याका वयाच्वंगु थुकथंया ज्ञानमाला बौद्ध जागरण मेगु महिनाय् पद्मावति ज्ञानमाला भजन खलकं ग्वसा ग्वइगु नं ज्याझ्वलय् जानकारी बिउगु खः । समितिया केन्द्रीय नायः रमना श्रेष्ठं बौद्ध जागरणयात अझ अप्वः च्वन्ह्याका यंकेत प्रचारप्रसारयात सशक्त रुपं न्ह्यःने यंकेमाःगु विचाः तयादीगु खः ।

मूछ्यांजे इन्द्रमुनी शाक्यं ज्याझ्वःया उद्देश्य बारे जानकारी बियादीगु ज्याझ्वलय् लक्ष्मीबहादुर महर्जनं सुभाय् देछानादीगु खः । ज्याझ्वलय् समितिया सल्लाहकार महारत्न वज्राचार्य लगायत बौद्ध ख्यःया आपालं विशिष्ट व्यक्तित्वपिनिगु उपस्थिति दुगु खः ।

सम्बन्धित बुखँ

LEAVE YOUR COMMENTS