सेयर कारोवारय् प्यान अनिवार्य याइगु

येँ – नेपाल धितोपत्र बोर्डं हरेक नेपालीयात अनिवार्य छगू हितग्राही (डिम्याट) खाता चायेके बीगु अवधारणा कथं ज्या न्ह्याकूगु दु । हरेक नेपाली नगारिकं धितोपत्र बजारय् सहभागी जुइदयेमा धयागु लक्ष्य तयाः थ्व ज्याझ्वः न्ह्याकेत्यनागु खँ बोर्डं धाःगु दु ।

बोर्डं वइगु आर्थिक दँया निंतिं सार्वजनिक याःगु धितोपत्र तथा वस्तु विनिमय बजार समबन्धी नीति व कार्यक्रमय् ‘छम्ह नेपाःमि, छगू हितग्राही खाता’ कार्यक्रम अभियान कथं न्ह्याकेगु खँ न्ह्यथनातःगु खः । अथेहे धितोपत्रया निगूगु बजारय् कारोवार सुविधा देय्न्यंकं
विस्तार यायेगु निंतिं धितोपत्र बजारय् अन्तर्राष्ट्रिय स्तरया कारोवार प्रणाली लागू यायेगु लक्ष्य तयातःगु दु ।

बोर्ड सार्वजनिक याःगु नीति व कार्यक्रमय् निगूगु बजारय् लगानी यायेबलय् लगानीकर्ताया स्थायी लेखा नम्बरयात अनिवार्य यायेगु व्यवस्था नं याःगु दु । वइगु आर्थिक दँ निसें निगूगु बजारय् शेयर कारोवार यायेगु निंतिं प्यान कायेमाःगु नीतिगत व्यवस्था यायेत्यंगु खः ।

अथेह नगर विकास कोषलिसे समन्वय यानाः नगरपालिका ऋणपत्र निष्काशनया निंतिं आवश्यक अध्ययन यानाः निष्काशनया व्यवस्था नं याइगु जूगु दु । थुकिं स्थानीय निकाययात तःधंगु पूँजी आवश्यक जुइबलय् ऋणपत्र पिकायेफइगु खँ धाःगु दु ।

सम्बन्धित बुखँ

LEAVE YOUR COMMENTS