बैरोचन तीर्थ विहार पुनःनिर्माण अलपत्रय्

येँ – स्वयम्भूइ च्वंगु बैरोचन तीर्थ विहार पुनःनिर्माण यायेगु ज्या पूवंके फयाच्वंगु मदुनि । २०७२ सालया तःभुखाचं क्षति जूगु विहार पुनःनिर्माणया ज्या आतकं थातिं लानाच्वंगु खः । सरकारी बेवास्ताया कारणं विहार पुनःनिर्माण यायेगु ज्या पूवंके मफयाच्वंगु खः ।
पंचबुद्ध मध्ये वैरोचन बुद्ध दुगु धया तःगु उगु ऐतिहासिक महत्वया विहार दुने छगू पुखू नं दु ।

स्थानीयवासीतय् कथं उगु पुखुलिइ थीथी न्याताजि रंगया न्यागू हे प्रकारया नाग दुगु व अन इलय्व्यलय् इपिं नाग निभाः पायेत वइगु खः । उगु पुखुलिइ सिलुया लः कुहां वइ धइगु नं जनविश्वास दु । विहार पुनःनिर्माणया निंतिं राष्ट्रिय पुनःनिर्माण प्राधिकरणपाखें आतक छुंकथंया नं ग्वाहालि प्राप्त मजूगु व आर्थिक अभावया कारणं विहार पुनः निर्माण यायेगु ज्या सुथां लाके मफयाच्वंगु खः ।

विहार पुनःनिर्माणया ज्या न्ह्याये धुंकूगु खःसां उकियात पूवंके मफयाच्वंगु खः । येँ महानगरपालिकापाखें प्राप्त पीगू लाख व जन सहयोग व श्रमदानपाखें प्राप्त च्यागू लाख बराबरया ग्वाहालिं विहार पुनःनिर्माण यानाः नितँजाः दयेके धुंकूगु दुसा विहार पूर्ण रुपं निर्माण सम्पन्न यायेगु ज्या धाःसा अलपत्रय् लानाच्वंगु खः । विहाराया बुद्ध कक्ष व हल निर्माण जुइधुंकूगु दु ।

सम्बन्धित बुखँ

LEAVE YOUR COMMENTS