विदेशय् ब्वं वनीपिनि लागिं सवा खर्ब खर्च

येँ – दँय्दसं विदेशय् आखः ब्वं वनीपिं नेपाःमि विद्यार्थीतय् कारणं नेपाःया ध्यबा दँय् सवा खर्ब तका विदेश वनाच्वंगु तथ्यांक पिहां वःगु दु ।
थौंकन्हय् नेपाःपाखें जक दँय् ४० द्वः विद्यार्थीत विश्वया थीथी देशय् आखः ब्वं वनाच्वंगु दु । थुगु खँय् जक ५६ द्वः विद्यार्थीतय्सं आखः ब्वं वनेगु लागिं स्वीकृति पत्र (नो अब्जेक्सन लेटर) काःगु खः । थ्व थगुने स्वयां १८ द्वः अप्वः खः ।

यदि दरखास्त तःपिं फुक्क विद्यार्थीत पिहां वन धाःसा नेपाःया १ खर्ब १३ अर्ब दां विदेशय् पिहां वनीगु जुइ । विदेशय् आखः ब्वनं वनीपिं विद्यार्थीपाखें म्हतिं १५ निसें २० लाख तका तक ध्यबा खर्च जुयाच्वंगु दु ।

थौंकन्हय् नेपाःया उच्चवर्ग जक मखु मध्यम वर्गयापिं विद्यार्थीत तकं त्यासा हे कयाः जूसां विदेशय् ब्वं वनीगु जूगुलिं विदेश पिहां वनीगु ध्यबाया मात्रा नं अप्वयाच्वंगु दु ।

सम्बन्धित बुखँ

LEAVE YOUR COMMENTS