सार्क दुरसञ्चार प्रभावकारी दयेकेत गोष्ठी

येँ – दक्षिण एसियाय् दुरसञ्चारयात प्रभावकारी दयेकेगु आज्जु कथं येँ स्वन्हुयंकंया गोष्ठि न्ह्याःगु दु । गोष्ठिइ दक्षिण एसियाली क्षेत्रय् दुरसञ्चारयात गुकथं थप प्रभावकारी दयेकेफइ धइगु विषयय् थीथी देय्या विज्ञपिनि दथुइ सहलह जूगु खँ धाःगु दु । उगु सहलह ज्याझ्वलय् दुरसञ्चार फुक्कं गरिब जनतां सुलभ रुपय् छ्यले दयेमाःगु खँय् बः बिउगु दु ।

ज्याझ्वलय् न्ववासें एसिया प्यासिफिकया महासचिव अर्विन हाओराङ्सीं दक्षिण एसियाय् दुरसञ्चारयात अत्याधुनिक दयेकाः वनेमाःगु खँ कनादिल । ज्याझ्वलय् नेपाल दुरसञ्चार प्राधिकरणया अध्यक्ष दिगम्बर झा, नेपाल टेलिकमया महानिर्देशक कामिनी राजभण्डारी, सूचना, संचार व प्रविधि मन्त्रालयया सचिव महेन्द्रमान गुरुङपिंसं नं ब्वति काःगु खः ।

स्वन्हु तक न्ह्याइगु गोष्ठिइ नीति दयेकेगु लिसें उकिया कार्यान्वयन व सेवाय् बः बीगु खँ धाःगु दु । कार्यशालाय् दक्षिण एसियाया थीथी दुरसञ्चार विज्ञपिंसं कार्यपत्र प्रस्तुत याइगु खँ धाःगु दु । गोष्ठिइ दक्षिण एसियाया च्यागू देय् लिसें इरानया नं सहभागिता दु ।

सम्बन्धित बुखँ

LEAVE YOUR COMMENTS