समजसेवी मानन्धरया श्रद्धाञ्जली सभा

येँ – थनया न्ह्यःखाय् च्वंगु जनचिकित्सालय व कृष्ण मन्दिर भजन मण्डलया मंकाः ग्वसालय् मदुम्ह समाजसेवी, जनचिकित्सालया संस्थापक नापं येँमपा २८ (थौंकन्हय् २५) वडाया पुलांम्ह वडाअध्यक्ष मिठ्ठाबहादुर मानन्धरया लुमन्तिइ श्रद्धाञ्जली सभा जुल ।

चिकित्सालयाया महासचिव व भजनमण्डलया कोषाध्यक्ष किशोरमान वैद्यं न्ह्याकादीगु उगु ज्याझ्वलय् मदुम्ह मानन्धरया दाजु सुवर्णमान मानन्धर, म्ह्याय् निर्मला मानन्धर, चिकित्सालयाया कोषाध्यक्ष विष्णुधर राजोपाध्याय, निवर्तमान अध्यक्ष गब्यनाथ पन्त, उपाध्यक्ष दिलिपमान श्रेष्ठ, भजन मण्डलया अध्यक्ष वैकुण्ठराम ताम्राकारपिंसं वय्कलं समाजसेवा लिसें वडाया विकासया निंतिं यानादीगु योगदानयात कयाः थःथःगुु नुगः खँ प्वंकादीगु खः ।

ज्याझ्वलय् वय्कःया साइलिम्ह म्ह्याय् प्रमिला मानन्धर राजभण्डारीपाखें मदुम्ह अबुया नामय् जनचिकित्सालयायात न्यय्द्वः तका चन्दा नं लःल्हानादीगु खः । मदुम्ह मानन्धरं जन चिकित्सालय् जूगु मिखा दानय् ज्याझ्वलय् मिखादान यानादीगुलिं वय्कःया अन्त्येष्टि न्ह्यः पशुपतिइ मिखाया नानी लिकायेगु ज्या जूगु खःसा उगु नानी वंगु शुक्रवाः हे छम्ह मचायात प्रत्यारोपण यायेगु ज्या नं जुइ धुंकूगु दु ।

सम्बन्धित बुखँ

LEAVE YOUR COMMENTS