लगं बहाः तःजः खलःया सहलह मुँज्या

येँ – लगं बहाः तःजः खलःया न्हापांगु सहलह मुँज्या खलःया कजि पन्नाबहादुर शाक्यया सभापतित्वय् जुल । लगं गणेश युवा क्लबया भवनय् जूगु सहलह मुँज्या खलःयात न्ह्याकेगु नापं थीथी विषयवस्तु केन्द्रीत जूगु खः । लगं बहाः तःजः खलःया सकलें जःपिनिगु उपस्थिति दुगु सहलह मुँज्याय् तःजः खलःया आगंछेँ पुनःनिर्माण यायेगु खँय् नं विस्तृत रुपं सहलह जूगु खः ।

सहलह मुँज्याया निष्कर्षकथं खलःया छेँ दनेगु निंतिं खलःया हे कजि शाक्यया संयोजकत्वय् गुम्हेसिया छगू तदर्थ समिति नं गठन याःगु खः । तदर्थ समितिइ शैलेस शाक्य छ्यांजे, ठूलोराजा शाक्य दांभरिं, दिपक शाक्य सहसचिवय् च्वनादीगु दुसा दुजलय् मणिरत्न शाक्य (मौसमविद्), मोहनमान शाक्य, दीपेन्द्र शाक्य, अनन्त शाक्य व श्याम शाक्य (वडा सदस्य) च्वनादीगु दु ।

थुकथं हे खलःया कजि शाक्यया हे संयोजकत्वय् स्वम्हेसिया छगू विधान मस्यौदा समिति नं गठन याःगु दुसा उकिया सदस्यय् प्रेमधर शाक्य व मणिरत्न शाक्य च्वनादीगु दु । खलःया ज्याझ्वः न्ह्याकेया निंतिं आवश्यक सल्लाह कायेत धासें शान्तरत्न शाक्य, पूर्णबहादुर शाक्य ‘कर्साब’ प्रेमधर शाक्य व मोहनरत्न शाक्यया छगू सल्लाहकार समिति नं गठन याःगु दु ।

सम्बन्धित बुखँ

LEAVE YOUR COMMENTS