विद्यार्थीयात त्यासा बीत कार्यविधि दयेकेत माग
येँ – निगू विद्यार्थी संगठनं विद्यार्थीतय्त त्यासा उपलब्ध याकेगु निंतिं कार्यविधि दयेकेत सरकारयात माग याःगु दु ।
अनेरास्ववियु व अनेरास्ववियु (क्रान्तिकारींं) विद्यार्थीतय्त ब¥हः कयाः त्यासा उपलब्ध याकेत माग यासें उकिया निंतिं कार्यविधि दयेकेत सरकार समक्ष माग याःगु खः ।
निगू विद्यार्थी संगठनया वंगु वालय् च्वंगु बैठकं विद्यार्थीयात त्यासा उपलब्ध याकेगु लागि कार्यविधि दयेकेत माग याःगु खः । सरकारं बजेटमार्फत विद्यार्थीयात शैक्षिक प्रमाणपत्र तयाः त्यासा उपलब्ध याकेगु धकाः हःगु योजनायात लसकुस यासें उकिया निंतिं कार्यविधि दयेकाः त्यासा उपलब्ध याकेत अर्थ मन्त्रालय समक्ष माग याःगु खः ।
बजेटमार्फत विद्यार्थीयात शैक्षिक प्रमाणपत्र तयाः त्यासा उपलब्ध याकेगु धकाः हःगु योजना कथंं कार्यविधि दयेकाः त्यासा उपलब्ध याकेत माग
विद्यार्थीयात बजेटमार्फक त्यासाय् व्यवस्था यानातःगु ५ प्रतिशत ब्याजया विद्यमान प्रावधानयात खारेज यानाः विना व्याज विद्यार्थीयात शैक्षिक त्यासा उपलब्ध याकेत नं बैठकं सरकार समक्ष माग याःगु दु ।
अथे हे बैठकं शिक्षा ख्यःया निंतिं फ्यानातःगु बजेट अपर्याप्त जूगु धासें २० प्रतिशत बजेट विनियोजन यायेत माग यासें पुरावलोकन यायेमाःगु, ‘संस्थागत विद्यालय शुल्क मापदण्ड निर्देशिका–२०७२’ कार्यान्वयनय् हयेमाःगु, शुल्क वृद्धि याःगु लित कायेमाःगु व विद्यार्थी संगठन व शिक्षा मन्त्रालय दथुइ जूगु सहमति कार्यान्वयन यायेमाःगु नं बैठकं निर्णय याःगु दु ।
LEAVE YOUR COMMENTS