देवदह नगरपालिकाया स्कुलय् बुद्ध शिक्षा लागू

येँ-  लुम्बिनीया बुटवलस्थित देवदह नगरपालिकां नं स्थानीय पाठ््यक्रमय् आधारित पाठ््यपुस्तक तयार याःगु दु । नगरपालिकां स्थानीय पाठ्यक्रमय् आधारित पाठ्यक्रम तयार यानाः अनया विद्यालयय् बौद्ध शिक्षा लागू याःगु खः ।

भगवान गौतमबुद्धया पाजुया छेँ दुगु देवदहय् बौद्ध शिक्षा व देवदह परिचय नांया निगू स्थानीय पाठ््यक्रम तयार याःगु खः ।उगु पाठ््यपुस्तक संस्थागत व सामुदायिक निगुलिं विद्यालयय् कक्षा ६ व ७ य् लागू याःगु खः । खस् भाय् व अंग्रेजी निगुलिं माध्यमं अध्ययन शुरु जुइगु उगु पाठ््यसपूmया आः नकतिनि विमोचन नं याःगु खः ।

प्रदेश नं ५ या सामाजिक विकास मन्त्री सुदर्शन बरालं सफू विमोचन ज्याझ्वलय् नवासें संघीय ढाँचाय् देय् न्ह्याः वने धुंकाः स्थानीय सरकारं थःत बियातःगु अधिकार क्षेत्र दुने च्वनाः थुकथंया कुतः याना वनेमाःगु खँय् बः बियादिल ।

बुद्धया पाजुपिनिगु थासं शुरु जूगु थ्व अभियान आः प्रदेशन्यंकं व देय्न्यंकंया स्थानीय तहं प्रेरणाया रुपय् कया वनेमाःगु वय्कलं धयादिल ।

नेपालभाषा टाइम्स

च्वमिया मेमेगु

• नेवाः प्रतिष्ठान गठन यायेत माग
• केएनकेया ग्राजुएन ज्याझ्वः
• सक्व सांस्कृतिक संरक्षित क्षेत्र प्रस्तावित ऐन लःल्हात
• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल