ब्याजदर थहां वनाः बजाः प्रभावित

येँ – थीथी बैंकं ब्याजदर अप्वयेकेवं उकिया लिच्वः उपभोग्य वस्तुइ लायेफइगु स्थिति ब्वलंगु दु । नेपाल बैंकर्स एसोसिएसनं थःपिनि दथुइ सहलह यानाः ११ प्रतिशत स्वयां अप्वः ब्याज मबीगु आन्तरिक सहमति कायम याना वयाच्वंगु खःसा छुं छुं बैंकं उकियात पालना मयायेवं एसोसियसनं व्याजदर निर्धारण यायेत सम्बन्धित बैंकतय्त हे जिम्मा बिउगु खः ।

बैकिङ क्षेत्रय् ब्याजदर थहां वंगु बारे बैंकर्स एसोसियसनया अध्यक्ष ज्ञानेन्द्रप्रसाद ढुंगानायात ‘नेपालभाषा टाइम्सं’ स्वापू तयाबलय् वय्कलं धयादिल ‘जिमिसं ला बांलाःगु ज्या हे यानागु खः तर गुलिखे व्यापारी व मिडियां हे एसोसियसनं
कार्टेलिङ यात धकाः कुंखिनेगु ज्या यात ।’

वय्कःया कथं आः असार न्ह्यःने वःगुलिं बैंकया ब्याजदर खास हे थहां वनी मखु । छगू निगू बैंकं जक ब्याजदर थकाःगुलिं छुं लिच्वः मलाइगु खँ कँसें न्हूगु मौद्रिक नीति हे वयेत्यंगुलिं नं बैंकया ब्याजदर थहां वनीगु सम्भावना म्हो जक दुगु खँ
वय्कलं कनादिल ।

मेखे नेपाल राष्ट्र बैंकया प्रवक्ता नारायणप्रसाद पौडेलं धाःसा बैंकतय्सं ब्याजदर थकाःसां राष्ट्र बैंकं उमित छुं निर्देशन बी मफइगु खँ कनादिल । वय्कलं धयादिल, ‘जिमिसं ब्याजदर बारे न्ववायेगु जुइमखु, बरु बजारय् ध्यबा अभाव जुल धाःसा थीथी उपाय यानाः ध्यबा साला कायेगु जुइ ।’बैंकं काइगु ब्याजदर अप्वल धाःसा उकिया लिच्वः कथं बजाःभाः थहां वनीगु जुया बी ।

सम्बन्धित बुखँ

LEAVE YOUR COMMENTS