विश्वकप २०१८

मतदानं राजधानी क्वःछीगु

येँ- प्रदेश नम्बर ३ या स्थायी राजधानी गन तयेगु धइगु बारे आः प्रदेश सभाय् मतदान हे याइगु जूगु दु । सर्वसम्मतिं प्रदेशया स्थायी राजधानी तोके यायेत जुयाच्वंगु पहल ताः मलायेवं आः मतदान मार्फत हे थुकिया निर्णय यायेगु कथंया वातावरण तयार जुजुं वनाच्वंगु खँ सूत्रं धाःगु दु ।

प्रदेशया अस्थायी राजधानी थौंकन्हय् हेटौंडाय् तयातःगु दु । तर थीथी जिल्लां वयाच्वंपिं सांसदतय्सं राजधानीया लागिं हेटौंडा उपयुक्त मजुल धासें अनं मेथाय् सारे यायेमाःगु बिचाः न्ह्यःने तया हल । तर हेटौंडां सरे यानाः गन तयेगु ले धइगु खँय् धाःसा छगू हे बिचाः जुइ फयाच्वंगु मदुनि ।

स्थायी राजधानी तयेगु लागिं थौंकन्हय् काभ्रे, ख्वप, नारायणघाटया नां चर्चाय् वयाच्वंसां हाल कायम जुयाच्वंगु हेटौंडायात हे स्थायी याना छ्वयेमाः धाइपिं नं उतिकं दु । उकिं राजधानी गन तयेगु खँ मतदानं हे निर्धारण याये मालीगु अवस्था पिहां वःगु खँ सूत्रं धाःगु दु ।
सूत्रया कथं मतदान जुइबलय् छुं हे पार्टीं थः सांसदतय्त ह्वीप धाःसा लगे मयायेगु तकया सहमति तकं जुइधुंकूगु दु । स्थायी राजधानी ल्ययेत छुं नं पार्टीं दलगत निर्णय याइ मखु । थः यःगु जिल्ला वा नगरया पक्षय् मत बीत प्रदेशया सकलें सांसदत स्वतन्त्र जुइ ।

स्थायी राजधानी गन तयेगु धइगु सवालय् छगू हे पार्टी दुने नं थीथी थाय्या सांसदत विभाजित जूगुलिं थुकिया बारे पार्टीं छुं नं निर्णय मयायेगु सहमति जूगु खँ सूत्रं धाःगु दु । उकिं राजधानी गन तयेगु धइगु सवालय् दावी जुयाच्वंगु जिल्लाया सांसदतय्सं थःगु पार्टीयापिं स्वयां नं मेमेगु पार्टीया सांसदत नापलानाः लबिङ नं यानाच्वंगु दु ।

हेटौंडाया स्थायी निवासी समेत जुयादीम्ह मुख्यमन्त्री डोरमणि पौडेलं समेत मतदान हे याकेगु इच्छा क्यनादीगु खँ नं सूत्रं धाःगु दु ।

सम्बन्धित बुखँ

LEAVE YOUR COMMENTS