विश्वकप २०१८

राष्ट्रिय ज्ञानमालाया बौद्ध जागरण अभियान

यल-  नेपाल राष्ट्रिय ज्ञानमाला समिति ललितपुर क्षेत्रीय उपसमितिया ग्वसालय् बौद्ध जागरण अभियान ज्याझ्वः जुल । सुनागुथिस्थित बौद्ध जन विहारया व्यवस्थापनय् जूगु ज्याझ्वः विहारया नायः तुल्सीलाल महर्जनया सभापतित्वय् जूगु खः ।
नेपाल राष्ट्रिय ज्ञानमाला समितिया संरक्षक प्रा. सुवर्ण शाक्यया प्रमुख आतिथ्यताय् जूगु ज्याझ्वलय् विहारया न्वकु ज्ञानकुमार महर्जनं लसकुस यानादीगु खः ।

भिक्षु धर्मगुप्त महास्थविरं पंचशील बियाबिज्याःगु ज्याझ्वलय् धर्मरत्न शाक्यं च्वयादीगु ज्ञानमाला भजन म्येँ ‘गुलि जक बल्लाःगु, गुलि जक बांलाः गृह बन्धनया जाल’ यात कयाः वृहत रुपं चर्चा परिचर्चा यायेगु ज्या जूगु खः ।ज्याझ्वलय् मूपाहां शाक्यं ज्ञानमाला भजन व मेमेगु भजनया भिन्नता बारे नुगःखँ तयादीगु खःसा राष्ट्रिय समितिया नायः रमना श्रेष्ठं ज्ञानमाला भजनया महत्व व बौद्ध अभियानबारे थःगु नुगःखँ तयादीगु खः ।

अथे हे महासचिव इन्द्रमुनि शाक्यं ज्ञानमाला बौद्ध जागरण अभियान ज्याझ्वःया उद्देश्य व आज्जुया बारे थःगु नुगःखँ प्वंकादीगु खः । क्षेत्रीय उपसमितिया संयोजक लक्ष्मीबहादुर महर्जनं सुभाय् देछनादीगु ज्याझ्वलय् यम्पि महाविहार ईबही, ज्ञानमाला भजन खलः नापं विहारया उपासिक उपासिकापिंसं नं ज्ञानमाला भजन न्ह्यब्वःगु खः । ज्याझ्वःया दकलय् लिपांगु ब्वय् पुण्यानुमोदन यानाः ज्याझ्वः क्वचायेकूगु खः ।

सम्बन्धित बुखँ

LEAVE YOUR COMMENTS