विश्वकप २०१८

घरबहाल कर लक्ष्य स्वयां कम

सरकारं कयातःगु कर लित कायेगु लागिं खँल्हाबल्हा
यल – सरकारं आन्तरिक राजश्व कार्यालयपाखें म्हःगु घर बहाल कर लिहां वल धाःसा महानगरलिसें नगरपालिकां लक्ष्य तयातःगु बजेट चूलाइगु खँ धाःगु दु ।यल महानगरपालिकाया प्रवक्ता राजु महर्जनया कथं वंगु साउन महिनानिसें वंगु चैत तक आन्तरिक राजश्वं म्हःगु ध्यबा लित बीत अर्थ मन्त्रालयलिसे खँल्हाबल्हा जुयाच्वंगु धासें यदि उगु कर लिहां वल धाःसा मनपां लक्षित यानातःगु कर म्हयेगु लक्ष्य पूर्ति जुइगु खँ कनादीगु दु ।

वय्कःया कथं वइगु असार मसान्त तक मनपां म्हःगु करं ६० प्रतिशत लक्ष्य पूवनीगु खँ कनादिसें धयादी, ‘राजश्व कार्यालयं म्हःगु ध्यबा लिहां वल धाःसा मनपाया लक्षित बजेट चूलाइ ।’ यल मनपां थुगु दँय् १ अर्ब १७ करोड तका कर म्हयेगु आज्जु तयातःगु दु ।

वय्कलं बियादीगु जानकारी कथं मनपां जरिवाना मिनाहा, करय् १० प्रतिशत छुट आदि बियागुलिं यानाः जनतां कर पुलेत तयार जुयाच्वंगु धासें वंगु आर्थिक दँ २०७३÷७४ स्वयां अप्वः हे कर उठे जुयाच्वंगु जानकारी नं बियादीगु दु ।वइगु आर्थिक दँया निंतिं कर अप्वयेकेगु स्वयां करया दायर तःचाः यानाः कर नीति दयेकेगु निंतिं राजश्व मूल्यांकन समिति गठन जुइधुंकूगु खँ कनादिसें करयात थीथी कथं वर्गिकृत यायेगु तयारी जुयाच्वंगु जानकारी नं बियादीगु दु ।

आःया कर नीति वैज्ञानिक मजूगु धासें आः कर निर्धारण यायेगु इलय् व्यापारिक क्षेत्र, वस्तुगत कथं करया वर्गिकृत यायेगु जानकारी बियादिसें धयादी, ‘छकू निकू क्वथा लय् न्याद्वः खुद्वः दामं बालं बियाः च्वंपिंके नं १२ प्रतिशत कर म्होयेगु उचित मजू अथे जुयाः करयात नं वर्गिकृत यायेगु जुइ ।

यल मनपां थुगु दँय् करया दायरा अप्वयेकेगु निंतिं २९ गू वडाय् अनुगमन पुचः नीस्वनाः घर बहाल कर लिसें थीथी व्यावसायिक कर म्हयेगु ज्या न्ह्याकाच्वंगु दु ।

असार १ य् प्रदेश ३ या बजेट
संघीय व्यवस्था वयेधुंकाः प्रदेश सरकारतय्सं थःपिनि बजेट पेश यायेगु झ्वलय् असार १ गते प्रदेश नं. ३ पाखें थःपिनि बजेट पेश याइगु जूगु दु । प्रदेश सरकारं थःपिनि बजेट दयेकेगु ज्या सम्पन्न यायेधुंकूगु दुसा १ गते बजेट सार्वजनिक याइगु ज्याझ्वः तयातःगु दु । गुगुं नं प्रदेश सरकारतय्सं पेश यायेत्यंगु थ्व न्हापांगु बजेट खः ।

प्रदेश सरकारं दयेकीगु थ्व बजेटपाखें स्थानीय निकायत नं प्रभावित जुइ फइगु खँ धाःगु दु । प्रदेश सरकारपाखें वंगु वालय् तिनि थःपिनि नीति तथा कार्यक्रम पेश याःगु खःसां वयां लिपा प्रधानमन्त्रीपाखें प्रदेशय् हे वनाः सम्बोधन यायेगु ज्या जूगु खः ।

सम्बन्धित बुखँ

LEAVE YOUR COMMENTS