विश्वकप २०१८

जान्ह्वीया ‘धडक’या ट्रेलर रिलिज

आकाझाकां मदुम्ह श्रीदेवीया म्ह्याय् जान्ह्वी कपूरया न्हापांगु फिल्म धडकया ट्रेलर म्हीगः रिलिज जुल । न्हापांगु फिल्मया ट्रेलय रिलिज जुइवं वया दाजु अर्जुन कपूरं तुरुन्त हे सामाजिक सञ्जालय् शेयर यानाः जान्ह्वीयात भिंतुना नं बिल । वं थःगु स्टाट्सय् जान्ह्वीयात बिसें च्वःगु दु, ‘जान्ह्वी थनिंनिसें छगू न्हूगुव सुन्दर यात्रा सुरु जूगु दु । छ व इशान थुकी गज्जब खनेदुगु दु । निम्हेसितं यक्व यक्व मतिना, अले पुरा टिमयात अल द बेस्ट ।’

अर्जुनया थ्व स्टाटस छाय् चर्चाय् वयाच्वन धाःसां श्रीदेवी मदयेधुंकाः अर्जुन जान्ह्वीलिसे यक्व सतिना वःगु दु । अर्जुनया अबु बोनी कपुरं श्रीदेवीयात ब्याहा याःगुलिं अर्जुन श्रीदेवी खनाः उलि लय्मताः, अले उमिगु परिवारलिसे नं उलि सतिगु स्वापू मदुगु खः ।

जान्ह्वीया डेब्यू फिल्मया ट्रेलर रिलिजय् वया कका अनिल कपूर, संजय कपूर लिसें पूवंक कपूर खानदान हे उपस्थित जूगु खः । अर्जुन छम्ह जक लन्दनय् थःगु फिल्मया सुटिङया कारणं ज्याझ्वलय् मथ्यंगु खः ।

धडकय् जान्ह्वी लिसे खनेदयेकः वःम्ह इशान खट्टर नं नांजाःम्ह हिरो शाहीद कपुरया किजा खः । इशान शाहीदया मां निलिमा अजिजया काय खः, तर वया अबु पंकज कपूरपाखेंयाम्ह धाःसा मखु । जान्ह्वी अर्जुनया चिरिमांया म्हयाय् थें, इशान शाहीदया मेम्ह अबु पाखें दुम्ह किजा खः ।

सम्बन्धित बुखँ

LEAVE YOUR COMMENTS