विश्वकप २०१८

नेपाल ट्रेड युनियनया महाधिवेशन थनिंनिसें

येँ – नेपाल कांग्रेस समर्थित नेपाल ट्रेड युनियनया खुक्वःगु महाधिवेशन थनिंनिसें सुरु जुइत्यंगु दु । युनियनया अध्यक्षया निंतिं वर्तमान नायः खिलानाथ दाहाल व पुलांम्ह वरिष्ठ उपाध्यक्ष पुस्कर आचार्य दथुइ धेंधेंबल्ला जुइत्यंगु दु । अध्यक्षया निंतिं उपाध्यक्ष रमा पौडेलं नं उम्मेदवारी बियातःसां दाहाल व आचार्य दथुइ हे प्रतिस्पर्धा जुइगु खँ धाःगु दु ।

आचार्य व दाहाल निम्हेसिनं थःथःपिनिगु समूह घोषणा नं यायेधुंकूगु दु । दाहाल पुचःपाखें वरिष्ठ उपाध्यक्षय् अयोध्याप्रसाद यादव, उपाध्यक्ष (खुला) बमबहादुर डिसी, डिपी अर्याल, उपाध्यक्ष (मिसा) कल्पना अधिकारी, उपाध्यक्ष (सेवा) शंकर लामिछाने, उपाध्यक्ष (उत्पादन) युवराज लामा, उपाध्यक्ष (अनौपचारिक) नूर महम्मद रैनं उम्मेदवारी बिउगु दु ।

अथेहे महासचिवय् सञ्जय मिश्र, उपमहासचिव (खुला) जनार्दन निरौला, काजीमान श्रेष्ठ, उपमहासचिव (मिसा) कमला लामिछाने, उपमहासचिव (सेवा) रञ्जन थापा, उपमहासचिव (उत्पादन) धीरेन्द्र सिंह, उपमहासचिव (अनौपचारिक) आत्माराम पौडेल, कोषाध्यक्ष रिसभ घिमिरे व सहकोषाध्यक्षय् ताराकुमारी राईं उम्मेदवारी बीगु जूगु दु ।

अथेहे आचार्य पुचलं वरिष्ठ उपाध्यक्षय् महेन्द्रप्रसाद यादव, उपाध्यक्ष (खुला) तेजेन्द्रजंग कार्की, अजयकुमार राई, उपाध्यक्ष (महिला) इन्दिरा सापकोटा, उपाध्यक्ष (सेवा) नेत्रविक्रम थापा, उपाध्यक्ष (उत्पादन) ललितबहादुर श्रेष्ठ, उपाध्यक्ष (अनौपचारिक) आशा सिंह राठौर, महासचिव योगेन्द्रकुमार कुँवर, उपमहासचिव (खुल्ला) गणेशबहादुर केसी, ज्योति कोइराला, उपमहासचिव (महिला) राधिका कुँइकेल, उपमहासचिव (सेवा) सीताराम अवस्थी, उपमहासचिव (उत्पादन) ईश्वर परियार, उपमहासचिव (अनौपचारिक) राजेश पालिखे, कोषाध्यक्ष मोहनकुमार बस्नेत व सहकोषाध्यक्षय् सुशीला घिमिरें उम्मेदवारी बीत्यंगु दु ।

सम्बन्धित बुखँ

LEAVE YOUR COMMENTS