लगन बहुउद्देश्यीयया हिदान व चित्रकला

येँ – विश्व वातावरण दिवस व विश्व रक्तदाता दिवसया झ्वलय् लाकाः लगन बहुउद्देश्यीय सहकारी संस्था चित्रकला व हिदान ज्याझ्वः यासें थःगु ११ क्वःगु वार्षिकोत्सव न्यायेकूगु दु ।लगमय् जूगु चित्रकला ज्याझ्वलय् च्यादँ निसें झिछदँया मस्तय्त विश्व वातावरणयात कयाः किपा च्वकेबिउगु खःसा झिंनिदँ निसें झिंन्यादँया मस्तय्त झीगु संस्कृति, झीगु सम्पदा बारे किपा च्वकेबिउगु खः ।

थुकी च्यादँ निसें झिंछदँया पुचय् लक्ष्मी पोरे न्हाप, अम्बिका महर्जन लिउ व सफलता डंगोल लियांलिउ लाःगु खःसा सगुन शाक्य व मिनि शाक्ययात हःपाः सिरपाः बिउगु खः । अथेहे झिंछदँ निसें झिंन्यादँया पुचलय् शीतल महर्जन न्हाप, प्रजन्नजीत शाक्य लिउ, हिसिला श्रेष्ठ लियांलिउ व सुदिक्षा शाक्य, हरिबहादुर श्रेष्ठयात हःपाः सिरपाः लाःगु खः ।

चित्रकलाया निर्णायक मण्डलय् वरिष्ठ चित्रकारपिं केके कर्माचार्य, सुष्मा राजभण्डारी च्वनादीगु खः । सिरपाः त्याकूपिंत संस्थाया अध्यक्ष सुवर्णकाजी स्थापितं दसिपौ लःल्हानादीगु खः । अथेहे शनिवाः हे जूगु हिदान ज्याझ्वलय् स्वीनिम्ह मिजंपिं व नीन्हय्म्ह मिसापिं यानाः ५९ म्हेसिनं हिदान याःगु खः । हिदान याःपिंत दसिपौया लिसें घडी छगः छगः नं उपहार बिउगु खः ।

सम्बन्धित बुखँ

LEAVE YOUR COMMENTS