विश्वकप २०१८

येँया कंग अजिमा परिसरय् स्नान गृह

येँ  –  येँया कंग अजिमा परिसरय् दयेकूगु स्नान गृह शनिवाः छगू ज्याझ्वःया दथुइ येँ महानगरपालिकाया मेयर बिद्यासुन्दर शाक्यं उलेज्या यानादिल । स्नान गृह उलेज्या यासें मेयर शाक्यं स्नान गृह निर्माण ज्या क्वचागुलिं भिन्तुना देछासें नेवाःतय्सं थःगु संस्कार, तजिलजि नं म्वाका तयाः थौँया ई कथं परिवर्तन जुया वनेमाःगु खँय् बःबियादिल ।

श्री कंकेश्वरी स्नान गृहया नायः नापं ज्याझ्वःया सभापति मोहनलाल शाहीं थुगु स्नान गृह नेवाःतय्गु मृत्यु संस्कार क्वचाये धुंकाः व दू ब्यंकिबलय् व्यवस्थितरुपं म्वः ल्हुइगु निंतिं दयेकागु जानकारी बियादिल । ज्याझ्वलय् स्नान गृह निर्माण बारे छ्याञ्जे सुमित शाही जानकारी बियादीगु खः ।

दांभरिं किरण शाहींं स्नान गृहया आय–ब्यय न्ह्यब्वयादीगुु थुगु ज्याझ्वलय् पाहां कथं येँमनपा १९ वडा अध्यक्ष शशिलाल श्रेष्ठ, समाजसेवी नापं नेवाः पत्रकार बालकृष्ण महर्जनपिं झायादीगु खः ।

सम्बन्धित बुखँ

LEAVE YOUR COMMENTS