विश्वकप २०१८

न्ह्याके नु पलाः

न्यना ला छिमिसं ?
झीगु तजिलजि गुलि तःमि हँ !
ल्यनी तिनि ला थ्व
लिपा तकं बिचाः यायेमाःगु खँ !

न्यना ला छिमिसं
झीगु भाय् गुलि तःमि हँ
छाय् छिमित धन्दा मदु ?
थ्व ला तना हे वनीन !

सिउ मखु ला, थःगु अधिकार
न्ह्याथे यानाः नं कायेमाः
नेवाः धकाः म्हसीकेत
न्हापां थःगु भाय् निं माः ।

छकः तनेधुंकल कि
थ्व झीगु तिसा हानं लुइ मखु
थःगु भासं खँ ल्हानां
झी गबलें चीधं जुइ मखु ।

कुतः या, थ्वयात
म्वाका तयेत थःथःगु थासं
नेवाःतय्त स्वानाच्वंगु खः
थ्व झीगु हे भासं

लय्ताइ झीगु मांभाय्
ल्यंके नु थ्वयात छ्यलाः
मदिक्क न्ह्याके नु
झी फुक्कस्यां थ्व तःधंगु पलाः ।

– प्रतिबिम्ब स्थापित, मेलवर्न, अष्ट्रेलिया ।

सम्बन्धित बुखँ

LEAVE YOUR COMMENTS