विश्वकप २०१८

नेवाः देय् दबू धादिङ नीस्वन 

येँ – धादिङया थीथी नेवाः खलः, पुचः व समाजया भेलां नरबहादुर श्रेष्ठया अध्यक्षताय् नेवाः देय् दबू जिल्ला समिति धादिङ नीस्वंगु दु । भेलां नारायण लाल श्रेष्ठयात छ्याञ्जे, मय्जु गंगा श्रेष्ठयात दांभरि व नन्द प्रसाद श्रेष्ठ, मोहन श्रेष्ठ, इश्वर श्रेष्ठ व हरि नारायण श्रेष्ठयात दुजलय् ल्यःगु खः ।

झीगु नेवाः समाज धादिङया ग्वसालय् जूगु भेलाय् मू पाहाँ कथं नेवाः देय् दबूया नायः नरेशकुमार ताम्राकार झायादीगु खः । भेलाय् वय्कलं नेवाः देय् म्हसिका, मूल उद्देश्य, कार्यक्रम नापनापं संगठनया स्वरुप आदि विषयय् दुग्यंक खँ तयादीइगु खः । अथेहे भेलाय् नेवाः भाषा, कला, संस्कृति व संस्कार विषय नं छलफल जूगु खः ।

भेलाय् देय् दबूया न्वकू भाजु चन्द्रलाल राजभण्डारी, मूछ्याञ्जे माइलाबाबु द्योला, केन्द्रीय दुजः यशोददेवी श्रेष्ठं पाहाँकथं ब्वति कयादीगु खः । जिल्लाया थीथी थासं ब्वति काःझाःपिंसं तयादीगु न्ह्यसःया लिसः पाहाँपिंसं बियादीगु खः ।

सम्बन्धित बुखँ

LEAVE YOUR COMMENTS