विश्वकप २०१८

प्यला लिपा स्मार्ट लाइन्सेन्सया समस्या ज्यनीगु दावी

येँ -आः सवारी चालक अनुमति पत्रया लिखित परीक्षाय् पास जूगु÷मजूगु जानकारी एसएमएसपाखें कायेफइगु जूगु दु ।
अथेहे ट्रायल पास जुइधुंकाः, रिन्यु व लाइसेन्स थप यायेत बिउगु स्मार्ट लाइसेन्स प्रिन्ट जूगु÷मजूगु सीकेत नं आः विभागय् वनेम्वालीगु अवस्था वःगु दु । यातायात व्यवस्था विभागं एसएमएस यानाः थःपिनिगु नतिजा सीकेफइगु सिस्टम संचालनय् हःगु दु । थुकिं यानाः सेवाग्राहीयात अःपुइगु खँ धाःगु दु ।

स्मार्ट लाइसेन्सया निंतिं आवेदन बियातःपि अप्वया वनाच्वंगुलिं विभागं मेगु प्यंगः स्मार्ट कार्ड प्रिन्ट यायेगु मेसिन हःगु दु । थौंकन्हय् ३ लाख स्वयां अप्वः सेवाग्राही स्मार्ट लाइसेन्स कायेत पियाच्वंगु दु । विभागया कथं आः वइगु निलाया दुने स्मार्ट लाइसेन्स सम्बन्धी फुक्कं समस्या ज्यनीगु खँ धाःगु दु ।

सम्बन्धित बुखँ

LEAVE YOUR COMMENTS