प्रत्येक विश्वकप मेगु संस्करणया विश्वकपसिबें यक्व अर्थय् पाइ । थथे छाय्धाःसा विश्वकपया आयोजक देसं उकी थःगु पहः बीत स्वइ, अथे धयागु ग्वसाः देय्या भाय्, संस्कृति, भूगोलं विश्वकपयात प्रभावित यानाच्वनी । प्रत्येक विश्वकप फरक जुइगु कारण उकिया लोगो, मस्कट, बल व म्येँ यानाः नं खः । थुगुसीया विश्वकपय थुपिं सकतां गथे च्वं ले ?, स्वये–
मस्कट
विश्वकप २०१८ या मस्कट खः, जाबिभाका । रुसी भासं थुकिया अर्थ खः, ‘सुनां गोल याइ ।’ थथे धाये त्यंगुया अर्थ खः, सुनां अप्वः गोल याइ, व हे टिम त्याइ, अले सुनां यक्व कासा त्याकी, वं हे विश्वकप नं त्याकी । जाबिभाकाय् ध्वंचा दु । तसकं न्ह्यइपुके माःम्ह खः, व । वं दर्शकतय्त न्ह्यइपुकेत छुं नं अवसर त्वःती मखु ।
लोगो
थुगुसीया विश्वकपया लोगो तसकं बांलाः । छाय्धाःसा थुकिया निंतिं रुसं तसकं मेहनत याःगु दु । आःया लोगोया डिजाइनर खः, लिस्बनय् च्वंगु ब्रान्डिया सेन्ट्रल । कलाकारिताया मिखां थ्व जादुयी दु । अले थुकिं प्रतिनिधित्व यानाच्वंगु दु, रुसी कला व इतिहास । हाकनं छक्वः थ्व ट्रफिया स्वरूपय् हे दु ।
थुकिया दकलय् च्वय् बल दु, थुकिं स्पुटनिकया प्रतिनिधित्व यानाच्वंगु दु । स्पुटनिक न्हापांगु आर्टिफिसियल स्याटेलाइट खः । थुकी च्वंगु नगुं अन्तरिक्षयात संकेत याइ । थुकिया क्वय् च्वंगु ब्वं मानवीय शरीरयात प्रतिनिधित्व याइ । थ्वया म्हं न्याकुंकयाः लसता प्वंकाच्वंगु दु । रुसया विश्वास दु, थ्व लोगों सकसितं लसता हे बीगु जुइ ।
बल
प्रत्येक विश्वकपया छता विशेषता जुयाच्वनी, उकी छ्यलीगु बल । विश्वकपतिकं छ्यलीगु बल नं पानाच्वनी । थ्व पालय् छ्यलीगु बल जुइ– टेलस्टार १८ नांया बल । थुकियात एडिडास टेलस्टार नं धाः । थ्व बल गुलि चर्चाय् दु, उलि हे विवादय् नं दु । थ्व सन् १९७० या विश्वकपय् छ्यःगु बलया न्हूगु संस्करण खः ।
थ्व बल स्मार्ट नं दु, छाय्धाःसा थुकी दुने च्वंगु चिपया ग्वाहालिं स्मार्ट फोननाप स्वापू तयेजिउ । बलयात कयाः विवाद छाय्धाःसा थ्व स्ट्राइकरतय्त ययेफु, उलि हे गोलरक्षकतय्त धाःसा मययेफु । थ्व बलय् कासामिं थ्वायेवं छु दिशा काइगु जुइ गोलरक्षकं अनुमान याये थाकु । उकिं हे थ्व बलयात कयाः गोलरक्षकतय्सं आलोचना यानाच्वंगु दु ।
म्येँ
विश्वकप धालकि म्येँ छपु नं माल । पुलांगु विश्वकपया म्येँ लुमंला ? गथेकि, ओले ओले ओले, वाका वाका आदि । थुगुसीया विश्वकपया म्येँखः, लाइभ इट अप । थुकिया गायक खः– अमेरिकी ।अमेरिकी ¥यापर वेस्ली पेन्टज । विश्वकपया उलेज्याया इलय् थ्व म्यँे नं न्ह्यब्वइगु जुइ । म्येँयात सार्वजनिक याये धुंकूगु दु ।
LEAVE YOUR COMMENTS