विश्वकप २०१८

सरकार सहकारीया पुलांगु ऐन कानुन संशोधन यायेत तयार

येँ – उपप्रधानलिसें रक्षामन्त्री ईश्वर पोखरेलं बचत संकलनं जक देय्या दिगो विकासया लक्ष्य पुरा जुइमखु धयादीगु दु । उपप्रधानमन्त्री पोखरेलं बचत तथा ऋण सहकारी संस्थाया स्वक्वःगु ‘शिखर गोष्ठि’या उलेज्या यासें संकलन जूगु ध्यबायात उत्पादकत्व क्षेत्रय् लगानी यानाः रोजगारीया अवसर सिर्जना यायेत बचत तथा ऋण सहकारी संस्थायात इनाप यानादिल ।

वय्कलं नेपालय् राजनीतिक मुद्दा किनारा लगे जुइधुंकूगु धासें आःया मुद्दा आर्थिक क्षेत्रपाखें केन्द्रीकृत जुइमाः धयादिल । ‘सहकारी संस्थायात लगानी यायेत गुगुं पुलांगु नीति, कानुन, संरचना व अभ्यासं मछिंगु अवस्था दुसा धयादिसँ, ‘उपप्रधानमन्त्री पोखरेलं धयादिल, ‘सरकार उकियात संशोधन यायेत व लगानीया वातावरण दयेकाबीत तयार दु ।’

नेपाल बचत तथा ऋण सहकारी संघ लिमिटेड (नेफ्स्कुनं) ग्वसाः ग्वःगु व कृषि, भूमि व्यवस्था तथा सहकारी मन्त्रालयया ग्वाहालिइ समवेशी आर्थिक विकास ः संजालीकृति साकोस अभियानया निंतिं कानुनी संहिता’या पुनःसंरचना अभियानलिसें उगु गोष्ठिया ग्वसाः ग्वःगु खः ।

गोष्ठिइ कानुन, न्याय तथा संसदीय व्यवस्था मन्त्री शेरबहादुर तामांगं बचत तथा ऋण सहकारी संस्थां आकर्षक व आत्मनिर्भर लगानी क्षेत्रया पहिचान यानाः न्ह्याः वनेमाः धयादिल । वय्कलं लगानीकर्तायात गुगुं कथंया मछिंगु अवस्था वःसा सरकार सहजीकरणया निंतिं तयार दु धासें गुगुं पुलांगु ऐन संशोधन यायेमाःसा संशोधन यानाः न्ह्याः वनेत संस्थायात इनाप यानादिल ।

राष्ट्रिय सहकारी महासंघया अध्यक्ष केशव बडालं अर्थतन्त्रया सबलीकरणया निंतिं सहकारीया योगदान महत्वपूर्ण जुइ धयदिल । गोष्ठिइ कृषि, भूमि व्यवस्था व सहकारी मन्त्रालयया सचिव गोपी मैनाली, राष्ट्रिय सहकारी महासंघया महासचिव चन्द्र ढकाल, नेफ्स्कुनया अध्यक्ष डिबी बस्नेत लगायतं सहकारीया महत्वया विषयय् थःथःगु विचाः तयादीगु खः ।

सम्बन्धित बुखँ

LEAVE YOUR COMMENTS