विश्वकप २०१८

दिशाया हिलावंगु शैली

बलिउड अभिनेता टाइगर श्राफ व अभिनेत्री दिशा पटानीया मतिनाया सम्बन्धय् भारतया व्यापक चर्चा जुयाच्वंगु दु । थुपिं निम्हं तःक्वः हे रोमान्सय् लिप्त जुयाच्वंगु अवस्थाय् खंके धुंकूगु दु ।

तर अभिनेत्री दिशां धाःसा थुकियात फक्व त्वपुइत स्वयाच्वंगु दु । आः नकतिनि छगू अन्तर्वार्ताय् दिशां धाःगु दु, ‘टाइगर छम्ह मात्र जिगु बांलाःम्ह पासा खः, वनाप जिगु अज्याःगु छुं नं सम्बन्ध मदु ।’ भारतीय संचारमध्यमय् निम्हेसिया प्रेम सम्बन्धयात कयाः आपालं चर्चा जुयाच्वंगु विषययात कयाः दिशां धाःगु दु, ‘पत्रकारया प्वाथय् छाय् लाकमं प्यंकेगु धकाः जक थःपिंसं आतक अज्याःगु समाचारया खण्डन मयानागु खः ।’

हिन्दूस्तान टाइम्सयात बिउगु छगू अन्तर्वार्ताय् दिशां धाःगु दु, ‘खः जिपिं निम्हं नापनापं वना । चाःहिला । मस्ति याना । वइगु दिनय् नं अथे हे यायेगु जुइ । तर निम्ह पासापिनि दथुइ थथे जुइ फइमखु धइगु दु ला ? उकिया निंतिं मतिना हे जुइमाःला ?’ संचारमाध्यम विरुद्ध आक्रोशित रुपं प्रस्तुत जूम्ह दिशां धाःगु दु, ‘ध्यबाया निंतिं न्ह्यागु नं च्वयाच्वनी । उकिं थौंया संचारयात मनूतय्सं विश्वास यानामच्वंगु ।’

शुरु शुरुं तसकं शालिन व विनम्र रुपं प्रस्तुत जुइम्ह दिशा टाइगर नापया ‘बागी–२’ संकिपा हिट जुइवं आः वयागु शैलीइ हिउपाः वयाच्वंगु सकसिनं महसुस याना हयाच्वंगु दु ।

सम्बन्धित बुखँ

LEAVE YOUR COMMENTS