विश्वकप २०१८

फागुन ७ य् महाधिवेशन सःतूसा वेश : शेखर

येँ चुनावय् पराजय लिपा आन्तरिक ल्वापु सुरु जूगु नेपाली कांग्रेस दुने प्रदेशया राजधानी व प्रदेश प्रमुखया नियुक्ति लिपा थ्व ल्वापु झन् हे तच्वया वंगु दु । थ्वहे विवाद व तनावया झ्वलय् पार्टीया केन्द्रीय दुजः शेखर कोइरालां आः पार्टीया विशेष महाधिवेशन सःतेत इनाप यानादीगु दु । पार्टीया महामन्त्री शशांक कोइराला, पुलांम्ह उपसभापति सुजाता कोइराला व केन्द्रीय दुजः शेखर कोइराला दथुइ म्हीग जूगु मंकाः बैठक लिपा शेखर कोइरालां थ्व माग यानादीगु खः । वय्कलं आः महाधिवेशन मयासे पार्टी न्ह्याः हे वने मफइगु दावी समेत यानादीगु दु ।

देश संघीय प्रणालीइ वनेधुंकूसां कांग्रेसं थःगु विधानयात प्रादेशिक स्वरुपय् अझ हे मयंकूनिगु खँ वय्कलं कनादिल । पार्टीइ आः तक प्रदेशया संरचना मदुगु जक मखु गाविस धइगु खारेज जुयाः गाउँपालिका वयेधुंकलं नं कांग्रेसया विधानय् अझ नं गाविस हे उल्लेख जुयाच्वंगुलिं थुकियात परिवर्तन यायेमाःगु व थ्व परिवर्तनया लागिं महाधिवेशन मसःतुसें मगाःगु खँ नं वय्कलं कनादिल । महाधिवेशन सःतेगु उलि थाकुगु खँ मखु धासें वय्कलं थ्वहे वइगु फागुन ७ गते प्रजातन्त्र दिवसया जःखः महाधिवेशन च्वनेगु कथं आह्वान याःसां जिउगु मिति नं प्रस्ताव यानादिल ।चुनावय् पार्टी बांमलाक जूगुलिं सभापति देउवां राजीनामा बीमाःगु माग नं कांग्रेस दुने जुयाच्वंगु दु ।

सम्बन्धित बुखँ

LEAVE YOUR COMMENTS