विश्वकप २०१८

सिरियाय् अमेरिकाया हवाइ आक्रमण

अमेरिकी नेतृत्वया हवाई सेनां सिरियायाउत्तरपाखे लाःगु हासाकह सहरय् मंगलवाः हवाई आक्रमण याःगु दु । आक्रमणय् लानाः सर्वसाधारण लिसें विद्रोहीत सीगु खँ धाःगु दु । अमेरिकी नेतृत्वया लडाकु विमानं सहरया आवास क्षेत्रयात हे लक्षित यानाः न्हिनय् हवाइ आक्रमण याःगु खः । सिरियाली सरकारी समाचार संस्था सानाया कथं हासाकह धाःथाय् आइतवाः चान्हय् याःगु सैनिक कारवाहीलय् तःम्ह मस्त सीगु दु ।

समाचार संस्था सानाया कथं अमेरिकी गठबन्धनया सेनां न्हापांनिसें आवास क्षेत्रयात हे लक्षित यानाः आक्रमण यायेगु यानाच्वंगु दु । थुकिया तच्वःगु विरोध जूसां हवाई कारवाही धाःसा दिउगु मदुनि ।अमेरिकी गठबन्धनं सन् २०१४ निसें सिरियाय् आक्रमण सुरु याःगु खः । सिरियां धाःसा अमेरिकी नेतृत्वया गठबन्धन थःथासं चिइकेगु निंतिं संयुक्त राष्ट्र संघयात इनाप यानाच्वंगु दु ।

सम्बन्धित बुखँ

LEAVE YOUR COMMENTS