विश्वकप २०१८

गोकर्णेश्वर देगः दनेत छगू करोड

येँ -लिच्छवी कालीन स्थानीय गोकर्णेश्वर महाद्यःया देगः जीर्णोद्वारया निंतिं वइगु आर्थिक दँ २०७५÷७६ य् पुरातत्व विभागं छगू करोड तका दां विनियोजन याःगु दु । स्वतँजाःगु पौ दुगु प्राकृतिक दृश्यअंकित द्यःया आकार दुगु सिँया त्वरं जडान जुयाच्वंगु महाद्यःया देगः तसकं जीर्णावस्थाय् थ्यने धुंकूगु दु ।

विभागया योजना व मूल्यांकन विभागया लिपि अधिकृत सविता न्यौपाने पौडेलं कालिगढत चूलाकाः देगः पुनःनिर्माण यायेगु ज्या याकनं न्ह्याकेगु जुइ धयादिल । पुनःनिर्माणया निंतिं गोकर्णेश्वर महाद्यःया देगः जीर्णोद्वार कमिटीं निगू करोड न्यय्गू लाख तका माग याःगु खः ।

गोकर्णेश्वरवासीतय् चाहना धाःसा उगु देगःया पल्लिइ सिजःया पाताय् लुँ लेपन यानाः पशुपतिया देगःथें लः मज्वइकथं निर्माण यायेमाः धइगु दु । लुँया जलप तयेगु ज्या जुल धाःसा खतं मनइगु इमिगु धापू दु । देगः दनेगु निंतिं वंगु फागुन महिनाय् जूगु सप्ताह महायज्ञपाखें स्वंगू करोड तका नगद व जिन्सी नं संकलन याःगु खः ।

सम्बन्धित बुखँ

LEAVE YOUR COMMENTS