न्हू सरकारं प्रदेश प्रमुख हिलेफु – ओली

येँ– एमाले अध्यक्ष केपी ओलीं थःपिनिगु सरकार वयेधुंकाः प्रदेश प्रमुख व अस्थायी राजधानी हिलेफुगु खँ धयादीगु दु । स्वास्थ्य परीक्षण यायेत बैंकक वनाच्वनादीम्ह ओली थौं लिहां वयेवं विमानस्थलय् पत्रकारतलिसे खँ ल्हासें वय्कलं प्रदेश प्रमुख व अस्थायी राजधानीइ पुनर्बिचार जुइफुगु खँ धयादीगु खः । वय्कलं सरकारं लिबाक हे जूसां प्रदेश प्रमुख व अस्थायी राजधानी घोषणा यानाः सरकारया जिम्मेवारी पूवंकूगु धासें आः तर प्रदेश राजधानी तोके यायेगु ज्या प्रदेश सभां याइगु जूगुलिं आः तुरुन्त राजधानीयात कयाः आन्दोलन यायेगु आवश्यक मदुगु खँ नं धयादीगु दु ।

प्रदेश प्रमुख बारे धाःसा न्हूगु सरकारं उमिगु बारे थप जानकारी कयाः आवश्यक जूगु हिलेफुगु खँ वय्कलं धयादीगु दु । वय्कलं माओवादी केन्द्रलिसेया एकता प्रक्रिया आः तीव्रगतिं न्ह्याइगु खँ नं धयादीगु दु ।

सम्बन्धित बुखँ

LEAVE YOUR COMMENTS