नेपाः एकदिवशीय क्रिकेटया वरियताय्

येँ – अन्तर्राष्ट्रिय क्रिकेट परिषदं (आईसीसी) सार्वजनिक याःगु न्हूगु वरियता धलखय् नेपाः नं दुथ्याःगु दु । थ्व ल्याखं नेपालं न्हापां आईसीसी एकदिवशीय क्रिकेटया वरियता प्राप्त याःगु खः । आईसीसीं वंगु शुक्रवाः सार्वजनिक याःगु एकदिवशीय क्रिकेट वरियताय् नेपाःलिसें संयुक्त अरब इमिरेट्स, नेदरल्याण्ड व स्कटल्याण्डयात नं दुथ्याकूगु दु ।

आईसीसीं थ्व स्वयां न्ह्यः शीर्ष झिंनिगू देय्यात जक शीर्ष वरियता बिया वयाच्वंगु थासय् आः उगु ल्याःयात अप्वयेकाः झिंखुगू थ्यंकूगु खः । लुमंकेबहजू, सन् २०१८ फेब्रुअरी महिनाय् जूगु आईसीसी विश्वकप क्रिकेट छनोटय् नेपालं शीर्ष स्वंगूगु स्थान प्राप्त यायेत सफल जूगु खः ।