विश्वकप २०१८

आइपिएलय् चम्के जूपिं

थुगुसीया आईपिएलय् नेपाःपाखें न्हापांखुसी आइपिएल म्हितूम्ह कासामि सन्दीप लामिछाने जुल । न्हापांखुसी म्हितूम्ह जूसां उत्कृष्ट बलिङ यासें लामिछानें सकसिया नुगः त्याकल । थुकिया लिसें थीथी कासामिपिंसं थुगुसीया धेंधेंबल्लाखय् थीथी रेकर्ड नं कायम याःगु दु । दकलय् अप्वः रन थ्वाःम्ह न्यूजिल्यान्डया कप्तान केन विलियम्सन थुगुसी दकलय् अप्वः रन थ्वाःम्ह कासामि जूगु दु ।

विलियम्सनं झिंन्हय्गू म्याच म्हिताः च्यागू अर्धसतक सहित ५२.२०या औसतय् ७३५ रन दयेकल । विलियम्सनं थ्वाःगु रन आइपिएलया छगू सिजनय् दकलय् अप्वः दयेकूगु धलखय् स्वंगूगु थासय् नं लाः । दकलय् अप्वः ९७३ रनया (सन् २०१६) कीर्तिमान विराट कोहलीया नामय् दुसा थ्व धुंकाः ८४८ रन थ्वाःम्ह डेविड वार्नर निगूगु थासय् दु ।

निगू शतक थुगुसी आइपिएलय् निगू शतक थ्वाःम्ह सेन वाट्सन छम्ह जक जुल । थ्व सिजनय् मुक्कं न्यागू शतक थ्वाःगु खःसा थुकी निगू सतक वाट्सनया नामय् लाःगु दु । दकलय् अप्वः पारी म्हितूम्ह थुगुसी दकलय् अप्वः पारी म्हितूम्ह दिल्लीया ऋषभ पंत जुल । वं सनराइजर्स हैदरावाद विरुद्ध ६३ बलय् १२८ रन दयेकूगु खः ।

दकलय् अप्वः छक्का व चौका थ्वाःम्ह थुगुसी दकलय् अप्वः छक्का व चौका थ्वाःम्ह नं ऋषभ पंत हे जुल । वं धेंधेंबल्लाःजःछि ३७ क्वः छक्का थ्वाःगु खः । अथेहे ६८ क्वः चौका थ्वाःगु खः । दकलय् अप्वः विकेट काःम्ह अस्ट्रेलियाया एन्ड्र्यु टाई थुगु सिजनय् १८.६७ रनया औसतय् सर्वाधिक २४ विकेट काःम्ह बलर जुल । टाई नं किंग्स इलाभेन पंजाब पाखें म्हितूगु खः ।

छगू कासाय् न्यागू विकेट काःम्ह किंग्स इलभेन पंजाबया बलर अंकित राजपूत थुगु धेंधेंबल्लाःया दकलय् बांलाःम्ह बलर कथं न्ह्यःने वल । सनराइजर्स हैदरावाद विरुद्धया कासाय् ल्वःमंकेमफइगु प्रदर्शन यायेगु झ्वलय् वं प्यंगू ओभरय् १४ रन बियाः न्यागू विकेट काःगु खः ।

सम्बन्धित बुखँ

LEAVE YOUR COMMENTS