संसफों मन्त्रीतय् नां क्वःछी मफयाच्वन

येँ – निगू मन्त्रालय कायेत्यंम्ह संघीय समाजवादी फोरमं आः याकनं हे मन्त्रीतय् नां क्वःछीगु जूगु दु । मन्त्रालय बीगु क्वःछीधुंकूसां नं मन्त्री जुइपिं आकांक्षीत अप्वःगुलिं संसफोयात सकस जुयाच्वंगु दु । मन्त्रीतय् नां बुधवाः टुंगे यायेगु धकाः आन्तरिक बैठक च्वंगु खःसां छुं लिच्वः धाःसा पिकाये मफुत ।

म्हिगः नं उकिया बारे सहलह जूगु खःसां निष्कर्ष धाःसा पिकाये मफुत । आः पार्टी अध्यक्षं थप परामर्श यानाः फयांफछि याकनं मन्त्रीतय् नां क्वःछीगु खँ सहअध्यक्ष राजेन्द्र श्रेष्ठं कनादिल । मन्त्रीतय् नां सहलहपाखें क्वःछी मफयेवं आः नां क्वःछीगु अधिकार अध्यक्ष यादवयात हे बिउगु दु । – रासस