यातायात कम्पनी दर्ता अप्वल

येँ – सरकारं सिन्डिकेट व्यवस्था अन्त्य यायेवं सार्वजनिक यातायात सञ्चालन यायेगु निंतिं कम्पनी दर्ता यायेगु क्रम अप्वया वयाच्वंगु दु । कम्पनी रजिष्ट्रार कम्पनीया कथं वंगु वैशाख महिनाय् जक सछि स्वयां अप्वः कम्पनी दर्ता जूगु दु । वैशाख महिना स्वयां न्ह्यः ६४० गू कम्पनी दर्ता जूगु खँ कार्यालयं धाःगु दु ।

सिन्डिकेट चीकेवं मेगु क्षेत्रया स्वयां अप्वः यातायात क्षेत्रया कम्पनी दर्ता यायेगु अप्वया वनाच्वंगु खः । थौंकन्हय् न्हिं स्वंगू निसें प्यंगू कम्पनी दर्ता यायेत वयाच्वंगु खँ नं कार्यालयं धाःगु दु । कार्यालयया कथं नां ज्वःलानाः व माःगु भ्वँ मगाक आवेदन बिउगु ५३९ कम्पनी अस्वीकृत जूगु दु । उकि मध्ये झिंप्यंगू कम्पनीं नां हिलाः आवेदन बिउगु दु ।

थ्व स्वयां न्ह्यः हाकनं आवेदन बिउपिनिगु मध्ये २४७ गू कम्पनी नां स्वीकृत जुइधुंकूगु दु । कम्पनी दर्ता जुइधुंकाः यातायात व्यवस्था विभागय् पञ्जिकृत यायेमाःगु व्यवस्था दु । यातायात व्यवस्था विभागया कथं थथे दर्ता जुयाः वयेधुंकूगु १६५ गू कम्पनीया पञ्जिकृत जुइधुंकूगु दु । पञ्जिकृत जुइधुंकूगु कम्पनीं ६७८ गः गाडी सञ्चालनय् हयेधुंकूगु दु ।

बस सञ्चालनय् हःगु कम्पनी मध्ये महानगर यातायात प्रालिं ३९ गः, बाबा गोकर्णेश्वर प्रालिं ३२ गः, मयुर यातायातं २४ गः, सुर्यमति यातायात प्रालिं ३५ गः, सुर्योदय यातायतं १२ गः, इमाने तराइ पहाड यातायात प्रालिं १२ गः बस सञ्चालन यानाच्वंगु दु ।

सन्डिकेट चीकेवं मेगु क्षेत्रया स्वयां अप्वः यातायात क्षेत्रया कम्पनी दर्ता यायेगु अप्वया वनाच्वंगु खः । थौंकन्हय् न्हिं स्वंगू निसें प्यंगू कम्पनी दर्ता यायेत वयाच्वंगु खँ नं कार्यालयं धाःगु दु ।

सम्बन्धित बुखँ

LEAVE YOUR COMMENTS