विश्वकप २०१८

मुख्यमन्त्री नं एकीकृत वस्तीया पक्षय्

हेटौंडा -प्रदेश नं. ३ या मुख्यमन्त्री डोरमणि पौडेलं ३ नम्बर प्रदेश दुने थीथी लागाय् एकीकृत बस्ती पुनर्निर्माण यायेगु पक्षय् थःपिं सकारात्मक दुगु खँ कनादीगु दु । लिसें वय्कलं येँ मनपा १८ वडाया दुम्बो चुकय् तःभुखाय् लिपा निर्माण जुइत्यंगु एकीकृत वस्तीयात थःपिनिगु पूर्ण समर्थन दुगु व उकियात माःगु सकतां ग्वाहालि यायेगु बचं नं बियादीगु दु ।

स्वनिगलं झाःपिं नेवाः न्ह्यलुवाःपिंसं थ्व बारे लःल्हाःगु ध्यानाकर्षण पौ लःल्हानाः कयाःलि मुख्यमन्त्री पौडेलं थ्व बिचाः कनादीगु खः । नेवाः न्ह्यलुवा मल्ल के. सुन्दरया नेतृत्वय् निरञ्जनरत्न शाक्य, १८ वडा दुम्बो चुक एकीकृत वस्ती पुनःनिर्माण अभियानया कजि मचाराजा महर्जन, नेवाः जागरण मञ्चया नायः सुजीव बज्राचार्य, धर्म महर्जनलिसें दुम्बो चुकया दुजःपिं मुख्यमन्त्री पौडेल नापलायेत हेटौंडा झाःगु खः ।

उगु इलय् प्रदेशया सांसदपिं बसन्त मानन्धर व रामेश्वर फुयाँल नं दीगु खः ।मुख्यमन्त्री पौडेलयात नेवाः न्ह्यलुवा मल्ल के. सुन्दरं ३ नम्बर प्रदेशया नां ‘नेपाल मण्डल’ तयेमाःगु खँय् नं वय्कःया ध्यानाकर्षण यानादीगु खः । मुख्यमन्त्री पौडेलं प्रदेशया नामांकन बारे सकलें सांसदपिंलिसे सहलह यानाः जक निर्णय यायेगु जुइ धासें थः व्यक्तिगत रुपं धाःसा थुकिया नां ‘राजधानी प्रदेश’ जुइमाः धइगु पक्षय् दु धयादिल ।

२०७२ साल बैशाख १२ गते ब्वःगु तःभुखाचं दुम्बो चुकया ५४ खा छेँ पूर्ण व आंशिक रुपं क्षति जूगु खः । अन आः एकीकृत रुपं वस्ती निर्माण यायेत प्रदेशया ग्वाहालि कायेत थ्व ज्ञापन बीगु ज्या जूगु खः ।

सम्बन्धित बुखँ

LEAVE YOUR COMMENTS