विश्वकप २०१८

ख्वपय् व्यवसायीया हत्या

येँ- ख्वपय् चाया व्यवसाय यानाच्वंम्ह छम्ह व्यवसायीया हत्या जूगु दु । चाया व्यवसाय यानाच्वंम्ह चाँगुनारायण नगरपालिका ९ ताथलीइ च्वंम्ह ५५ दँया सीताराम सैंजुया हत्या जूगु खँ महानगरीय प्रहरी परिसर ख्वपं धाःगु दु ।
थौं सुथय् ५ बजे सैंजुया सीम्ह ख्वप नगरपालिका ९या ब्रह्मायणीइ घ्वंस्यानाच्वंगु अवस्थाय् लुइकूगु खँ प्रहरी परिसर भक्तपुरया प्रवक्ता प्रहरी नायब उपरीक्षक कृष्ण प्रसाईं नं कनादीगु दु ।
प्रहरीया प्रारम्भिक अनुसन्धान कथं वयात अप्पां छ्यानाः स्यानातःगु आशंका याःगु दु । वयागु छ्यंया लिउने गम्भीर चोट लानाच्वंगु खँ धाःगु दु ।
हत्याय् संलग्न दुगु आशंकाय् प्रहरीं स्वम्हेसिन ज्वनातःगु दु । सीम्ह परीक्षणया निंतिं शिक्षण अस्पताल महाराजगञ्ज यंकूगु खँ प्रहरीं धाःगु दु ।

सम्बन्धित बुखँ

LEAVE YOUR COMMENTS