विश्वकप २०१८

मांया मुलय् तयाः काय‍्या जंक्व

यल – तःताजि संस्कृति दुगु नेवाः समाज दुने अप्वःसिनं ७७ दँ ७ ला ७ दिं ७ पला ७ घडी जुल कि जँक्व याइगु सिउ । अले निक्वः जंक्व नापं स्वक्वः जंक्व याइगु नं मनूतय्सं सिउ । प्यक्वः जंक्व याइगु म्हो जक मनूतय्सं सिउ । प्यक्वः जंक्व म्हो जक जुइगु जुया मनूतय्सं अप्वः चर्चा यायेगु याः ।

तर मांम्हं थः काययात मुलय् तया जँक्व याइगु धइगु साय्द अप्वः मनूतय‍्स‌ न्यंगु तकं खइमखु । थः कायया जंक्व थःगु हे मुलय् तया यायेगु ज्या जूगु दु नेवाः वस्ती वादेय् अर्थात चापागामय् । बिहिवाः थुगु कथं जँक्व जूगु खः । स्वक्वः जँक्व क्वचाय् धुंकूम्ह चिनिमाया मल्ल‌‌ थः काय् लक्ष्मी बहादुर मल्लयात मुलय् तयाः ज‌ँक्व याकूगु खः । ज‌ँक्वया विधि कथ‌‌ थीथी पुजा लिपा ज‌ँक्व याःम्ह लक्ष्मी बहादुर मल्ल व वयकःया जहान अर्थात भौयात इन्द्रमाया मल्लयात खटय् तयाः देय् चाःहिकूगु खः । देय् चाःहिके न्ह्यः काय व भाैम्ह‌‌ मा‌म्ह चिनिमायायात पुज्यानाः स्वचाः चाःहिले धु‌काः छझाः कायम्हेसित मा‌म्ह‍ मुलय् तःगु खः । मुलय् तयेधु‌काः मा‌म्ह‍ देय् चाःहिलेत काय् भाैयात बिदा बियाछ्वःगु खः । स्वक्वः जँक्व क्वचायेधु‌कूम्ह चिनिमाया मल्ल ९७ दँ दयेधु‌कूगु दु ।

कायया ज‌क्व यायेगु जुल धाःसा मा‌या मुलय् तयाः यायेमाः धयाेगु धइगु मान्यता दुगुलिं थुकथं जँक्व यानागु खँ पुजारी जुयादीम्ह बालमुकुण्ड राजोपाध्याय‍ कनादीगु दु ।

सम्बन्धित बुखँ

LEAVE YOUR COMMENTS