प्रवोध कसाः मोटरसाइकल दुर्घटनाय् लात, निनिम्ह पूर्णकेशरी मन्त

येँ- नेवाः कार्यकर्ता व म्येँ हालामि प्रवोध कसाः मंगलवाः बहनी मोटरसाइकल दुर्घटनाय् लाःगु दु । दुर्घटनाय् लानाः मोटरसाइकलया लिउने च्वनावंम्ह वय्कःया निनि पूर्णकेशरी कंसाकार मन्त भाजु कसाः सामान्य घाःपाः जूगु दु ।

मंगलवाः बहनी जनबहालय् च्वंगु कापः पसः तिनाः छेँय् लिहां वनाच्वंगु इलय् पुतलीसतकय् दुर्घटना जूगु खः । शंकरदेव पाखें लँ काटे यानाः वनेत्यंगु वय्कःया मोटरसाइकलयात बागबजाःपाखें ब्वाँय् वःगु पल्सर मोटरसाइकलं ठक्कर नकूगु खः । मोटरसाइकलय् ठक्कर नकेवं लिउने च्वनावंम्ह निनिम्ह पूर्णकेशरी बाइकं तापाक कुतुंवंगु खः । बाइकं उछित्ते जुयावंम्ह मय्जु पूर्णकेशरी छ्यं लँय् न्याःवंगु खः । गुकिं यानाः वय्कःयात अस्पतालय् यंकाच्वंगु इलय् लँय् हे मदुगु खः । मदुम्ह पूर्णकेशरी ७२ दँ दुम्ह खः । वय्कःया सीम्ह बुधवाः पोष्टमार्टम यानाः कर्णदिपय् अन्तिम संस्कार यायेधुंकूगु दु ।

पल्सर चालक २५ दँति दुम्ह ल्याय्म्हयात अनामनगर प्रहरी हिरासतय् तयातःगु दु ।

सम्बन्धित बुखँ

LEAVE YOUR COMMENTS