विश्वकप २०१८

ख्वप रेडक्रसया स्वास्थ्य भक्तपुर अभियान

ख्वप – नेपाल रेडक्रस सोसाइटी ख्वप शाखां ‘स्वास्थ्य भक्तपुर अभियान’ संचालन याःगु दु । थ्व स्वयां न्ह्यः हि मदुसा ख्वपय् हुँ धइगु अभियान न्ह्याका वयाच्वंगु ख्वप रेडक्रसं आः थुगु अभियान न्ह्याकूगु खः । लछितक न्ह्याइगु स्वास्थ्य भक्तपुर अभियान ख्वप देय्या थीथी थासय् न्ह्यानाच्वंगु दु ।

थुगु अभियान चाँगुनारायण प्राथमिक स्वास्थ्य केन्द्रय् इवामुरा अस्पतालया ग्वाहालिइ, सूर्यविनायक नगरपालिका वडा नं. ७ य् नागरिक सामुदायिक शिक्षण अप्सतालया ग्वाहालिइ, सूर्यविनायक वडा नं. ९ स्थित नंखेल स्वास्थ्य चौकीइ मध्यपुर अस्पतालया ग्वाहालिइ, चाँगुनारायण वडा ८ सुडालय् क्यान्सर अस्पताल ख्वपया ग्वाहालिइ व मध्यपुर थिमि नगरपालिकाया नगदेशय् नेपाल कोरियामैत्री अस्पतालया ग्वाहालिइ निःशुल्क स्वास्थ्य शिविर जूगु खः ।

वंगु शनिवाः जूगु शिविरय् न्यय्गुम्हेसिया स्वास्थ्य परीक्षण यायेगु ज्या जूगु ख्वप रेडक्रस स्वास्थ्य समितिया संयोजक सुरज मिश्रं कनादिल । बर्खाया ईलिसें मनूतय् स्वास्थ्यय् थीथी कथंया समस्या खने दया वइगु व स्वास्थ्यप्रति खास हे चिउताः मइगुलिं थ्व प्रति जनेचतना थनेगु ल्याखं थुकथंया अभियान संचालन यानागु नेपाल रेडक्रस सोसाइटी ख्वप शाखां जानकारी बिउगु दु ।

सम्बन्धित बुखँ

LEAVE YOUR COMMENTS