विश्वकप २०१८

टेलिकमया डाटा छ्यलीपिं छगू करोडं अप्वः

येँ – नेपाल टेलिकमया डाटा सेवा छ्यलीपिनि ल्याः छगू करोड छगू लाख ५४ हजार थ्यंगु दु । कम्पनीं नकतिनि पितबिउगु न्हूगु तथ्यांक कथं जिएसएम डाटा सेवा छ्यलीपिं ९७ लाख ९५ हजार १०० दुसा सिडिएमए डाटा सेवा छ्यलीपिं छगू लाख ३६ हजार ५००, वाइम्याक्स सेवा छ्यलीपिं १७ हजार व एडिएसएल छ्यलीपिं १ लाख ९९ हजार ७०० दुगु खनेदुगु खः ।

वंगु आर्थिक दँया असार मसान्त तक कम्पनीया डाटा चले यायपिं ८४ लाख २५ हजार ८९४ म्ह दुगु खःसा चालु आर्थिक दँया चैतया अन्त तकया दुने थ्व ल्याः २०.५१ प्रतिशतं अप्वया छगू करोड १ लाख ५४ हजार थ्यंगुु खः ।

अथेहे २०७४ चैत मसान्त तक नेपाल टेलिकमया फोरजी छ्यलीपिं ५ लाख ५९ हजार १७२, टेलिफोन सेवा कयाच्वंपिं १ करोड ९३ लाख २२ हजार ८५५, जिएसएम मोबाइल सेवा कयाच्वंपिं १ करोड ६९ लाख ४४ हजार ५३९, सिडिएमए सेवा कयाच्वंपिं १६ लाख ८८ हजार ३५१ व पिएसटिएन टेलिफोन सेवा कयातःपिं खुगू लाख ८९ हजार ३७३ थ्यंगु दु ।

सम्बन्धित बुखँ

LEAVE YOUR COMMENTS