मिसा पत्रकारपाखें सगरमाथा सफल आरोहण

येँ–न्हापांगु मिसा पत्रकार सगरमाथा आरोहण दल–२०१८या पुचलं विश्वया दकलय् तजाःगु च्वापुगुँ सगरमाथाया सफल आरोहण याःगु दु । न्याम्हेसिया पुचलय् वंगु सगरमाथा आरोहण दलमध्ये प्यम्हेसिनं सगरमाथा च्वकाय् पलाः तयेत सफल जूगु खः ।
सगरमाथा आधार शिविरय् च्वँच्वनादीम्ह सम्पर्क अधिकृत ज्ञानेन्द्र श्रेष्ठं कनादीकथं उगु पुचलं थौं सुथसिया ६ ताः इलय् सगरमाथाया च्वकाय् पलाः तयादीगु खः । न्हापांगु मिसा पत्रकार सगरमाथा आरोहण दलय् राष्ट्रिय समाचार समिति (रासस)या पत्रकार रोशा बस्नेत, न्यूज २४ टेलिभिजनया पत्रकार प्रियालक्ष्मी कार्की, बिपी कोइराला मेमोरियल प्लानेटोरियम अब्जरभेटरी व विज्ञान संग्रहालयया रोजिता बुद्धाचार्य, मेघा टेलिभिजनया कल्पना महर्जन व स्वतन्त्र पत्रकार देउराली चाम्लिङ दुथ्याः । उकी मध्ये कार्की छम्ह बाहेकं मेपिं प्यम्हेसिन सगरमाथाया सफल आरोहण यायेत ताःलाःगु सम्पर्क अधिकृत श्रेष्ठं कनादिल ।
आरोहण दलया टीम लिडर बुद्धाचार्यया पुचलं सगरमाथाया च्वकाय् नेपाल पत्रकार महासंघया ध्वाँय् ब्वयेकेत ताःलाःगु दु ।
थ्व हे झ्वलय् थुगुसीया बसन्त ऋतुइ सगरमाथा आरोहणय् वंपिं मध्ये आः निम्ह प्यम्ह आरोह ीजक सगरमाथाया च्वकाय् थ्यने ल्यं दुगु नापं थुगुसीया सिजनय् स्वसःत्या स्वयां अप्वः आरोही सगरमाथाया च्वकाय् थ्यनेत सफल जूगु सम्पर्क अधिकृत श्रेष्ठं कनादीगु दु ।

सम्बन्धित बुखँ

LEAVE YOUR COMMENTS