विश्वकप २०१८

मिसाया प्वाथय् न्यागू करोडया कोकिन

भारतीय प्रहरीं छम्ह मिसाया प्वाथं कोकिनया १०६ गू क्याप्सुल लिकाःगु दु । लागू वासः ओसारपसार यायेगु कुतः यानाच्वंगु इलय् उम्ह मिसायात ज्वंगु खः ।प्रहरीं गोप्य सुचंया आधारय् २५ दँया विदेशी मिसायात मे १४ य् दिल्लीइ च्वंगु अन्तर्राष्ट्रिय विमानस्थलपाखें ज्वंगु खः ।

छवाः तक अस्पतालय् तयाः कोकिनया असर म्हो जुइगु वासः बिइधुंकाः वयागु प्वाथं सफलतापूर्वक कोकिन लिकाःगु खः । वया प्वाथं लिकाःगु कोकिनया मू न्यागू करोड भारु जुइगु अनुमान प्रहरीया दु । ब्राजिलया साओ पाउलोय् उम्ह मिसाया प्वाथय् कोकिनया क्याप्सुल तःगु अनुमान प्रहरीया दु ।

प्रहरीया कथं दिल्ली छम्ह नाइजेरियाली मिसायात उगु क्याप्सुल बिइत उम्ह मिसायात धयाहःगु अनुमान नं प्रहरीं धाःगु दु ।
भारतीय लागु औषध नियन्त्रण विभागया अधिकारीतय् कथं थुलि तःधंगु ल्याखं कोकिनया क्याप्सलु लिकाःगु थ्व हे न्हापांगु घटना खः ।

सम्बन्धित बुखँ

LEAVE YOUR COMMENTS