विश्वकप २०१८

प्रधानन्यायाधीश विरुद्ध जनलहर

येँ (नेपालभाषा टाइम्स) डा. गोविन्द केसीयात ज्वनाः बयान कायेगु सर्वोच्च अदालतया ज्याया कारणं प्रधानन्यायाधीश गोपाल पराजुली विरुद्ध प्रचण्ड जनलहर ब्वलंगु दु ।
देय्या सम्पूर्ण आमसञ्चार लगायत सामाजिक सञ्जाल तकं पराजुली विरुद्ध खुले जुयाः पिहां वःगु दु । सर्वोच्च अदालतया सुं नं प्रधानन्यायाधीश विरुद्ध थुलि तीव्र कथंया आलोचना व विरोध आः तक गबलें मजूनिगु खँ कानून व्यवसायीतय्सं धया हःगु दु ।
प्रधानन्यायाधीश पराजुलीं थःगु एसएलसीया सर्टिफिकेट तकं नकली दयेकातःगु, जन्ममिति खुया तःगु, प्यम्ह कलाः ब्याहा यानातःगु खँ नं थ्व इलय् सार्वजनिक जुयाच्वंगु दु । लिसें थ्व फुक्कया लिसः बिउसा जक पराजुलीया प्रतिष्ठा बचे जुइगु खँ नं धयाहःगु दु ।
सूत्रतय्सं धाः कथं देय्या मेडिकल माफियातलिसे पराजुलीया पुलांगु हे स्वापू दुगु व वहे कारणं जक वय्कलं डा. केसीयात दुःख बीत मुद्दा चले याःगु खः । लिसें डा. केसीं नं मेडिकल माफियालिसे प्रधानन्यायाधीश पराजुलीया ‘लिंक’ दुगु सियाः हे वय्कः विरुद्ध न्ववानाच्वंगु खँ धाःगु दु ।
थौं नं सुनुवाई ः
म्हिगः सुनुवाई सिमधयाः थौं हानं सुरु जूगु दुसा उकिया लागिं डा. केसीयात एम्बुलेन्सय् तयाः अस्पताल यंकूगु दु । थौं वय्कःया विरोधय् अधिवक्ता प्रकाश केसीं वहस याःगु दु । डा. केसीया पक्षय् सछिम्ह वकिलं वहस यायेत नां च्वके धुंकूगु दु । डा. केसीया अनसन धाःसा अदालतय् तकं जारी हे दनि ।

सम्बन्धित बुखँ

LEAVE YOUR COMMENTS