विश्वकप २०१८

सिमाय् दनातःगु छेँ

अमेरिकाया टेनिसि राज्यय् छखा अज्याःगु छेँ दु, गुगु विश्वया दकलय् तजाःगु सिमाय् दयेकातःगु दु । टेनिसि राज्यया क्रासभिल्ले सहरय् दकलय् तजाःगु सिमाय् छेँ दनातःगु दु । सिमाय् छेँ दनातःगु धायेबलय् अजू नं चायेफु । छाय्कि छेँ दनेत सिँ आवश्यक जुइ, तर सिमाय् हे छेँ दनातःगु धइगु न्यनेबलय् धाःसा पत्याः यायेत नं थाकुइफु ।

खुमा सिमाया ग्वाहालिं दयेकातःगु उगु छेँया नां हे ‘ट्री हाउस’ खः । करिब १० तँ जाःगु छेँ थें हे तजाःगु उगु छेँ १०० फिट तजाः । अले थ्व सुं सर्वसाधारणया छेँ मखसे टेनिसि राज्यया हे छम्ह मन्त्रीया खः । सन् १९९३ लय् आर्किटेक्टतय्सं सिमाया द्यःने छेँ दयेकेगु विचाः याःगु खः ।

इमिसं विचाः जक याःगु मखु लिपा उकियात सार्थकता बीगु कुतः हे यात, व लिच्वःकथं छेँ दयेकेगु शुरु याःगु ११ दँ लिपा छेँ निर्माण यायेगु ज्या पूवन । उगु छेँनं कःघानातःगु लागा जक १ हजार वर्गफिट दु । थ्व छेँय् थहां वनेत दयेकातःगु स्वाहाने सामान्य छेँया स्वाहाने थें धाःसा मखु ।

थन थहां वनेत चाःचाःहिइकाः दयेकातःगु स्वाहाने गयाः वनेमाः । सिमाय् दनातःगु थ्व छेँय् बाल्कोनीया नापं नापं बास्केटबल कोर्ट तकं दयेकातःगु दु । थुगु छेँ दनेत जक १२,००० डलर खर्च जूगु बर्गेस नांया छेँथुवा (मन्त्री)या धापू दु । बर्गेसं उगु छेँ थःगु निंतिं स्वयां नं थः कलाःया निंतिं दयेका बिउगु खः ।

सम्बन्धित बुखँ

LEAVE YOUR COMMENTS