विश्वकप २०१८

मनपा दुनेया सार्वजनिक थाय् मालेत दक्वं वडायात निर्देशन

येँ – येँ महानगरपालिकां थनिं निदँ न्ह्यःया छगू योजना कार्यान्वयनया निंतिं दक्वं वडायात निर्देशन बिउगु दु । येँ मनपां सार्वजनिक थाय्या पहिचान यानाः उकिया जानकारी बीत दक्वं वडायात निर्देशन बिउगु खः । येँ मनपां निदँ न्ह्यः (निर्वाचित जनप्रतिनिधि वये न्ह्यः) हे सार्वजनिक थाय् पहिचान यानाः अज्याःगु थासय् सार्वजनिक चःबि निर्माण यायेगु योजना हःगु खः ।

उगु हे योजना कार्यान्वयन यायेकथं आः खुल्ला थाय् पहिचान यानाः जानकारी बीत वडायात निर्देशन बिउगु खः ।येँ मनपाया वंगु बैशाख १२ गते च्वंगु नगर कार्यपालिकाया बैठकं याःगु निर्णयकथं दक्वं वडायात उकथं निर्देशन बिउगु खः ।

येँ महानगर लागा दुने सार्वजनिक चःबिया आवश्यकता दुगु खःसां छु गुगु थासय् चःबि निर्माण यायेगु धइगु खँय् यकिन मजूगुलिं दक्वं वडायात निर्देशन बियागु येँ मनपा सूचना अधिकार वसन्त आचार्यं कनादिल ।येँ मनपां थ्व स्वयां न्ह्यः थीथी ४४ गू थासय् सार्वजनिक चःबि दयेकेगु योजना हःगु खः ।

सम्बन्धित बुखँ

LEAVE YOUR COMMENTS