विश्वकप २०१८

हेमबहादुर मल्ल सम्मान लःल्हात

येँ – साल्ट टे«डिङ कर्पोरेशनया पुलांम्ह अध्यक्ष हेमबहादुर मल्लया नामं नीस्वनातःगु ‘हेमबहादुर मल्ल सम्मान’ वि.सं. २०७० सालया निंतिं लोकसेवा आयोगया अध्यक्ष व पुलांम्ह मुख्य सचिव उमेश प्रसाद मैनालीयात लःल्हाःगु दु । शुक्रवाः छगू ज्याझ्वःया दथुइ उपराष्ट्रपति नन्द बहादुर पुनः सम्मान व नगद सिरपाः लःल्हानादीगु खः ।

थ्व सिरपाः साल्ट ट्रेडिङया सौजन्यय् नेपाल जनप्रशासन संघपाखें बिया वयाच्वंगु खः । सिरपाः निगू लाख तका व सम्मान पत्र सहितया खः ।
ज्याझ्वलय् न्ववानादिसें साल्ट ट्रेडिङया अध्यक्ष लक्ष्मीदास मानन्धरं कर्पोरेशनया सामाजिक दायित्व अन्तर्गत ३६ दँ तक थीथी पदय् च्वनाः ज्या यानाः साल्ट ट्रेडिङयात बांलाःगु अवस्थाय् थ्यंकादीम्ह कुशल प्रशासक व व्यवस्थापक हेमबहादुर मल्लया नामय् थुगु सम्मान नीस्वनातयागु खँ कनादिल । थ्व झ्वलय् वय्कलं देय् संघीयता वनेधुंकूगु अवस्था साल्ट टे«डिङ नं देय्यात समृद्ध यायेगु निंतिं थःगु थासं माःगु भूमिका म्हितेगु खँ धयादिल ।

सम्मान लःल्हाना कयादिसें लोकसेवा आयोगया अध्यक्ष मैनालीं कर्मचारी प्रशासन सम्बन्धी ‘कि नोट’ न्वचु नं बियादीगु खः । हेमबहादुर मल्ल सम्मान देय् उच्चपदस्थ कुशल प्रकाशकयात बीगु याना वयाच्वंगु सिरपाः खः । थ्व सम्मान काइम्हेसिनं सम्मान लःल्हाइगु इलय् थथे हे कि नोट न्वुच बीगु चलन दया वयाच्वंगु दु ।

वंगु झिदँ न्ह्यवनिसें बिया वयाच्वंगु थ्व सम्मान पुलांपिं प्रशासकत केदारभक्त माथेमा, महावीर पुन, डा‍ भगवान काेइराला, चाँदनी जोशी थेंज्याःपिं गुम्ह कुशल प्रशासकपिंत बीधुंकूगु दु ।

सम्बन्धित बुखँ

LEAVE YOUR COMMENTS