एमाले–माओवादी पार्टी एकता घोषणाया तयारी

येँ—नेकपा (एमाले) व नेकपा (माओवादी केन्द्र) दथुइ पार्टी एकता घोषणा छुं ई लिपा यायेगु तयारी जुयाच्वंगु दु । थनया राष्ट्रिय सभागृहय् छगू पत्रकार सम्मेलन यासें पार्टी एकतायात औपचारिकता बीगु तयारी जुयाच्वंगु दु ।
निगुलिं पार्टीया पुलांगु केन्द्रीय कमिट विघटन याःगु दुसा न्हूगु कमिटी नं गठन याःगु दु । एकीकृत पार्टीया न्हापांगु बैठकया अध्यक्षता पुष्पकमल दाहालं यानादीगु दु ।
पार्टी एकता लिपा पार्टीया नां नेपाल कम्युनिष्ट पार्टी तयेगु खँय् निगुलिं पार्टी सहमत जुइ धुंकूगु दुसा न्हूगु पार्टीया स्थायी समितिइ ४५ म्ह दुजः दइगु जूगु दु । पार्टीया अध्यक्षय् केपी शर्मा ओली व पुष्पकमल दाहाल प्रचण्ड जुइगु खँय् न्हापा हे सहमति जुइधुंकूगुलिं पार्टी एकताया औपचारिक घोषणा लिसें थुकिया नं घोषणा यायेगु तयारी जुयाच्वंगु दु ।
न्हूगु पार्टीइ झलनाथ खनाल, माधवकुमार नेपाल, वामदेव गौतम, नारायणकाजी श्रेष्ठ, ईश्वर पोखरेल, रामबहादुर थापा व विष्णु पौडेलसहितया गुम्हेसिया हाइकमान्ड गठन याःगु दु । न्हूगु पार्टीइ विष्णु पौडेलयात महासचिव व नारायणकाजी श्रेष्ठयात प्रवक्ताया जिम्मेवारी बिउगु दु । न्हू गठन जूगु पार्टीया केन्द्रीय सदस्यपिनिगु सपथ ग्रहण बालुवाटारय् यायेगु तयारी जुयाच्वंगु दु ।
थ्व हे झ्वलय् न्हूगु दल दर्ताया निंतिं सुभाष नेम्वाङ व देव गुरुङ निर्वाचन आयोगय् वंगु दु ।

सम्बन्धित बुखँ

LEAVE YOUR COMMENTS