उत्तर कोरियापाखें शिखर वार्ता त्वाःथलेफुगु ख्याच्वः

उत्तर कोरियां यदि अमेरिकां थःत परमाणु अस्त्र परित्याग यायेत दबाब बियाच्वन धाःसा राष्ट्रपति डोनाल्ड ट्रम्प लिसे जुइगु धयातःगु शिखर वार्ता त्वःतेमालेफु धाःगु दु ।राष्ट्रपति ट्रम्प व उत्तर कोरियाली नेता किम जङ अन दथुइ वइगु जून १२ य् सिंगापुरय् शिखर वार्ता यायेगु क्वःछिनातःगु दु । थ्वहे दथुइ उत्तर कोरियाया उपविदेशमन्त्रीं अमेरिका गैरजिममेवारीपूर्ण वक्तव्य पितबिउगु व खराब भावना तःगु द्वपं बियादीगु दु ।

उपविदेशमन्त्री किम क्ये–ग्वानं तप्यंक राष्ट्रिय सुरक्षा सल्लाहकार जन बोल्टनपाखे लक्षित यानाः धाःगु दु, ‘वया प्रति जिमिगु घृणा सुचुके चाहे मजुया ।’अमेरिकी सल्लाहकार बोल्टनं नकतिनि जक उत्तर कोरियां परमाणु कार्यक्रम परित्याग याइबलय् लिबिया मोडल नालेफुगु टिप्पणी याःगु खः । थ्व हे टिप्पणीयात कयाः उत्तर कोरिया तम्वःगु खः ।

बोल्टनया टिप्पणीलिपा उत्तर कोरिया सशंकित नं जूगु दु । छाय्धाःसा लिबियाया शासक कर्णेल गद्दाफिं परमाणु कार्यक्रम परित्याग याःगु छुं दँ लिपा हे पश्चिमी शक्तितय् समर्थन दुगु विद्रोहीतय्सं स्यानाबिउगु खः ।उत्तर कोरियां कोरियाली प्रायःद्वीपया गैरपारमाणिविकीकरणप्रति थःपिं प्रतिबद्ध दु धयाच्वंगु दु ।

गैर पमारमाणिविकिीकरण अन्तर्गत छु छु लाः धयागु स्पष्ट मजूनिसां उत्तर कोरियां थःपिनिगु छगू प्रमुख परमाणु परिक्षण स्थल नष्ट यायेगु स्वयेत विदेशी संचारमाध्यमत निमन्त्रणा यानातयेधुंकूगु दु ।उपविदेशमन्त्री किमं पितबिउगु वक्तव्यय् धयातःगु दु, ‘यदि अमेरिकां जिमित ध्याकुनय् तयाः एकपक्षीय रुपं जिमिसं परमाणु अस्त्र परित्याग यायेमाः जक धयाच्वन धाःसा जिमित वार्ताय् छुं चासो मदु ।’

सम्बन्धित बुखँ

LEAVE YOUR COMMENTS