प्रलेस भारतया प्रतिनिधिमण्डपाखें प्रेस काउन्सिलया अवलोकन

येँ –  प्रगतिशील लेखक संघ भारतया छगू प्रतिनिधिमण्डलं प्रेस काउन्सिल नेपालया अवलोकन भ्रमण याःगु दु । प्यम्हेसिया पुचलय् वःगु प्रतिनिधिमण्डलयात प्रेस काउन्सिल नेपालया सदस्य सचिव नापं सूचना विभागया महानिर्देशक बालकृष्ण घिमिरें खादां क्वखायेकाः लसकुस यानादीगु खः ।

उगु इलय् सूचना विभागया महानिर्देशक घिमिरें प्रतिनिधिमण्डलयात लसकुस यासें थवंथवय् सहकार्य व समन्वयपाखें मैत्रीपूर्ण सम्बन्ध ल्यनाच्वनीगु धारणा तयादिल । अथे हे प्रतिनिधिमण्डलया दुजः नापं राजस्थान प्रगतिशील लेखक संघया महासचिव ईशुमधु तलवारं निगू देय्या च्वमि, पत्रकारतय् दथुइ थवंथवय्या सम्बन्धयात बः बीगु व थुगु ख्यःयात थप उर्जाशील दयेकेत ग्वाहालि जुइगु विचाः तयादिसें लुमुगु आतिथ्यताया निंतिं सुभाय् देछानादिल ।

मधेशी पत्रकार समाजया अध्यक्ष मोहनकुमार सिंहं भ्रमण दलया दुजःपिनिगु संयोजन यानादीगु खःसा उगु इलय् प्रेस काउन्सिल नेपालया दुजःपिं सुदर्शन आचार्य, गोविन्दप्रसाद चौलागाई, चेतनाथ धमला, मुख्य अधिकृत झविन्द्र भुसाल लगायतपिनिगु सहभागिता दुगु खः ।

सम्बन्धित बुखँ

LEAVE YOUR COMMENTS